د ننګرهار کانال شرکت: په ۴۰۰ جریبه ځمکه کې د غنمو اصلاح شوي تخمونه کرل کېږي
٢۴ تله ۱۴۰۲ه.ش
۱ ربیعالثاني ۱۴۴۵ ه.ق
د ننګرهار کال شرکت چارواکي وایي، چې د غنمو حاصلاتو زیاتوالي په پار د هډې فارم په ۴۰۰ جریبه ځمکه کې د غنمو اصلاح شوي تخمونه کرل کېږي.
په همدې موخه د ننګرهارکانال شرکت رییس مولوي غلام الرحمن کظیم، د هډې فارم امر انجنیر سیداغا میاخېل، د کانال شرکت د کرنیزو چارو مسوول انجنیر جمیل خوشحال، د دفتر امر قاري شکیل احمد ذاهب خېرخواه او یوشمېر نورو چارواکو سره ناسته وکړه.
د چارواکو په خبره هډې فارم پراخه کرنیزې او حاصلخېزه ځمکې لري.
په دغه فارم کې کرنیزې ځمکې،غېر کرنیزې ځمکې، د زیتونو بڼونه، ستروسو بڼونه، ځنګلاتي سیمې، خرمابڼونه. تفریحي پارکونه، کلیسون بڼ، ثمرخېلو ستره قوریه، عبدالخېلو بلاک مالټې بڼ =، کلیکسون بڼ او تفریحي پارک، هډې فارم اړوند ګدامونه، امریت مقام، کلوپ، رسټورانټ او نورې ودانۍ شتون لري.
