هلمند کې ۳۲ بې وزله کورنیو سره مرستې وشوې

۲ تله ۱۴۰۲ه‍.ش
۹ ربیع‌الاول ۱۴۴۵ه‍.ق 
د هلمند ولایت دکرنې، اوبولګولو او مالدارۍ ریاست لخوا،  د مخدره موادو او جرمونو په اړه د ملګرو ملتونو ادارې(یو این او ډي سي) په مالي او له افغان کډوالو سره د مرستې لپاره د ډنمارک کمیټې (داکار) په تخنیکی همکارۍ، ددې ولایت په مرکز لښکرګاه کې پر ٣٢ بېوزلو او یتیمانو کورنیو د شیدو وزې او یوه اندازه تخمونه ووېشل شول.
ددې مرستې په لړ کې هرې کورنۍ ته  ٢راسه وزې، ٤مرغومان، ٥٠کیلوګرامه جوار  او یوکیلوګرام د شپیشتو تخم  شامل دي.
د یادولو وړ ده، چې د نوموړو کورنیو د تشخیص او انتخاب سروې په شفاف ډول د ګډې کمېټې لخوا ترسره شوې ده .
ددې مرستې موخه دبېوزله کورنیو ملاتړ او په ټوله کې په دې ولایت کې دمالدارۍ سکټور ودې او پراختیا ته زمینه برابرول دي.