د ننګرهار مومندرې کې ۵۵ بزګرانو سره د اړینو توکو مرسته وشوه
٢۷ وږي ۱۴۰۲ه.ش
۳ ربیعالاول ۱۴۴۵ه.ق
د ننګرهارد کرنې، اوبولګولو او مالدارۍ ریاست په هڅو د ماشوم ساتني اداري په مالې لګښت او د «اې.آر.اي.پي» ادارې په تخنیکې همکارۍ ۵۵ تنو بزګرانو ته د الوګانو زخه لرونکي ساقې یا ټیوبرونه، کیمیاوي سرې او کرنیز وسایل ورکړل شول.
د ننګرهار د کرنې، اوبولګولو او مالدارۍ رییس مولوي عبدالستار محمد وویل د مومندرې ولسوالی په باسول او هزارناو کلیو کې ۵۵ تنو بزګرانو ته د هر جریب ځمکې لپاره د الوګانو ۴۵۰ کیلو ساقې، ۵۰ کیلو توره او ۵۰ کیلو سپینه سره ورکړل شوه.
دننګرهار دکرنې رییس په خبره یادو بزګرانو ته کرنیز وسایل هم ورکړل شو؛ چې په وسایلو کې کراچی، تسکوره، سطل، پنجي کش، بیلچه د درملو پمپ، دستکشې، ماسک، رمبې، لوور، موزې، دریشي، ښاخۍ او عینکي شاملې دي.
دغه راز یادو بزګرانو ته د الوګانو دکښت، اوبولګولو، سرې استعمال، هرزه وښو کنټرول، ناروغیو مخنیوي او حاصل ټولولو په برخه کې روزنه هم ورکول کېږي.
