ننګرهار کې د مالدارۍ سکټور خوندیتوب په پار هڅې؛ ۲۵۰ زره څارویو ته د چنجیو ضد درمل ورکول کېږي

۶ وږی ۱۴۰۲ه‍.ش
۱۱ صَفَرُ المُظَفَّر ۱۴۴۵ه‍.ق
ننګرهار د کرنې، اوبولګولو او مالدارۍ ریاست په هڅو دافغانستان لپاره د هالینډ کمیټې د «ار، پي، اس، اف» پروژې تر چتر لاندې د  جلال اباد ښار په ګډون ۷ ولسوالیو کې څارویو ته د چنجیو ضد درملو د تطبیق چاري روانې دي.
د ننګرهار د کرنې، اوبواګولو او مالدارۍ رییس مولوي عبدالستار محمد وویل، چې د جلال اباد ښار په ګډون چپرهار، مومندرې،  لعلپوري،  بهسود،  کامه،  ګوشته او کوزکونړ  ولسوالیو کې ۲۵۰ زره راسه وړو او لویو شخوند وهونکو څارویو ته د چنجیو ضد درملو د تطبیق چارې روانې دې؛  چې تردې دمه ۵۵ زره راسه لویو او وړو شخوند وهونکو څارویو ته د چنجیو ضد درمل تطبیق شوي او د نورو د تطبیق چارې هم روانې دي.
د ننګرهار دکرنې رییس زیاته کړه د یادو درملو د تطبیق موخه په لویو او وړو شخوند وهونکو څارویو کې د داخلي پرازیتونو،  چینجیو له منځه وړل،  د محصولاتو زیاتوالي، د حیواناتو د مړینې د کچې کموالی او د مالدارانو د عاید لوړوالې په موخه ورکول کېږي.  
دغه راز د هالینډ کمیټه په ننګرهار کې د درملو سربېره د هګیو چرګانو،  حیوانې خوراکې وېش،  حیوانې کلینیکونو،  کوچني د خوراکې زېرمتونونو جوړولو او ګڼو نورو برخو کې هم د مالدارانو لاسنیوي کوي.