هلمند کې د ځمکې غصب مخنیوي تخنیکي پلاوي ٥۹مه نوبتي غونډه دائره شوه
۱ وږی ۱۴۰۲ه.ش
۶ صَفَرُ المُظَفَّر ۱۴۴۵ه.ق
د هلمند ولایت د ځمکې د غصب مخنيوي او غصب شویو ځمکو د تثبیت تخنیکي پلاوي خپله ٥۹مه نوبتي غونډه ترسره کړه.
په دې غونډه کېد هلمند ولایت د ځمکو د غصب مخنيوي او غصب شویو ځمکو د تثبیت تخنیکي پلاوی خپله ٥٩مه نوبتي غونډه ترسره کړه، له ناستې وروسته یې د مرکز لښکرګاه اړوندو سیمو کې لسګونه جریبه ځمکه له غاصبینو خلاصه کړه.
د اجنډا له مخې یاد پلاوي لومړی د کرنې په ریاست کې خپل منځي ناسته وکړه ، په ناسته کې د فرمانونو، حکمونو او هدایاتو د تعقیب او څار رئیس مولوي عبدالجبار هجرت صاحب د امیر/المؤ/منین حفظه الله د ١٤٣٧ هه ق کال څخه بیا تر ١٤٤٤ کال پورې هغه راغلي فرامین ، حکمونه او هدایتونه چې مشخصآ د غصب مخنیوئ او د اما/رتي ځمکو اړوند دي په مفصل ډول د غونډې ګډونوالو ته تشریح کړل.
وروسته تخنیکي پلاوی د تیرې غونډې د پریکړې له مخې په مرکز لښکرګاه کې د اداري سیمې په مربوطاتو کې د غصب شویو اما/رتي ځمکو څخه د لیدنې او هلته یې د خودسره تصرفاتو بندولو په اړه د ترسره شویو اجرائتو راپور د غونډې ګډونوالو سره شریک کړ.
له خپل منځي ناستې وروسته یاد پلاوی د هلمند مرکز لښکرګاه کې د کرکېټ لوبغالي ته څیرمه د ګڼو غاصبینو لخوا په اما/رتي ځمکو کې د خودسره تصرفاتو او غصب مخه ونیول ، ددې ترڅنګ هغه دیوالونه هم ونړول سول چې تازه یې خلکو د ځمکو په غصب لاس پورې کړی وو او مالکانه تصرفات یې پکې پیل کړي وو.
د یادونې وړ ده، چې هلمند کې د ځمکو د غصب مخنيوي او غصب شویو ځمکو د تثبیت تخنیکي پلاوي تر دې مهاله د زرګونه جریبه اما/رتي ځمکو د غصب مخه نیولې ده او د استرداد په اړه یې لسګونه راپورونه مرکز ته لېږدولي دي.
