د ننګرهار کانال شرکت: دکانال په زیاته اندازه ځمکه ږدن کرل شوي 

۱ وږی ۱۴۰۲ه‍.ش
۶ صَفَرُ المُظَفَّر ۱۴۴۵ه‍.ق
د ننګرهارکانال شرکت ټولې ځمکې د اګرونومیکي ځانګړنې او اقلیمي شرایطو له مخې په کال کې د درېو فصلونو د کښت وړتیا لري، چې زیتون او ستروسو سربېره، غنم، شولې، ګني، جوار، خټکي، هندواڼي، حبوبات او نورو صنعتي نباتاتو کر کېلې ته مساعده ځمکې لري .
له ښه مرغه د کانال په ځمکو اوس کروندګرو په زیاته اندازه ږدن کرلي دي او له حاصلاتو يې خوښ دي.
 ږدن د غله جاتو څخه دی چې د څارويو او مرغانو او ځينو ځايو کې د انسانانو د خوراک لپاره کار وڅخه اخيستل کېږي. 
ږدن په شګلنه ځمکه کې ښه وده کوي، د کرنې د برخې د کارپوهانو په وینا دا غله په هر ډول نبات پسې کرل کېدای شي، ځکه چې ډېرې قوي او حاصل ورکوونکي ځمکي ته اړتيا نه لري