اروزګان کې د ځمکې غصب او غصب شويو ځمکو بېرته راکرځولو کمېټې کړنې
٢۵ زمری ۱۴۰۲ه.ش
٢۹ مُحَرَّمُ الحَرام ۱۴۴۵ه.ق
د اروزګان د امارتي (سلطاني) عامه مرعي او وقفي غصب شویو ځمکو، د غصب مخنيوي او استرداد کمیسون تخنیکي پلاوی خپلې هلې ځلې کړندي کړي دي.
د دغو هلو ځولو په دوام د یادې کمېټې رییس مولوی عبدالصمد مقبول په مشری په داسې حال کې، د یادې کمېټې نورو غړو هم شتون درلود د یوې غونډې په ترڅ کې پر بېلابېلو موضوعاتو خبرې اترې وکړې.
ددې غونډې په ترڅ کې د اروزګان د ځمکې غصب او غصب شویو ځمکو بېرته راګرځولو کمېټې ریيس الحاج مولوي عبدالصمد مقبول د تخنيکي پلاوي غړو ته د لارښوونو ترڅنګ د تېرې غونډې د پرېکړو ارزونه وکړه.
همداراز په دې غونډه کې د یوشمېر عاریضونو عریضې وکتل شوې او تر خبرو اترو وروسته پرې پرېکړه شوه.
ددغو کړنو ترڅنګ یاده کمېټې په دوو ګروپونو ووېشل شول، چې د ارزوګان بېلابېلو سمیو ته سفرونه وکړي، چې سیمو ته د سفر په ترڅ کې د اروزګام مرکز ترینکوټ اړوند په ګردنې ګاب سمه کې اته کړنۍ ژورو څاګانو کېندل بند او نوي ودانۍ لمنځه یوړل شول او په ياده سيمه کې اوسيدونکو کوچيانو ته يي هدایت وکړئ، چې په راتلونکي دداسې کارونو دتکرار څخه مخنيوي وکړي، ددغو کړنو په پایله کې نږدې 2500 جريبه امارتي ځمکه د غصب څخه وژغورل شوه.
همدارنګه دويم کاري ګروپ د اروزګان مرکز ترينکوټ اړوند دعباس علي کلي ته سفر وکړ، چي دعباس علي د کلي دوې قطعې امارتي ځمکه چې اندازه یې ۲۱,۸ جريبه کېږي چيې نيمايي يې اوس مهال بڼ د ي نږدې تر400 پورې مېوه لرونکي ونې او تر200 پورې بې ميېوې ونې لري دامارتي املاکو اداري ته وسپارلي ترڅو په راتلونکي کې يي مفادات امارت ته ولاړ شي.
باید وویل شي، چې د اروزګان ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
