د بوټو ساتنې او قرنطین رییس له قرنطیني شبکو څخه څارنه وکړه

۱۹ زمری ۱۴۰۲ه‍.ش
۲۳ مُحَرَّمُ الحَرام ۱۴۴۵ه‍.ق
د کرنې، اوبولګولو او مالدارۍ وزارت د بټو ساتني او قرنطین رییس عتیق الله مسلم د کابل نړیوال هوایي ډګر زراعتي قرنطین، کابل ګمرک  قرنطین او ضد عفوني فمو ګیشن له مراکزوڅخه له نږدې لیدنه وکړه. 
ددې لیدنې او څارنې موخه د کرنیزو قرنطیني مراکزو د ستونوزو معلومول او خصوصي سکټور ته د غوره چوپړتیاوو وړاندې کول او پراختیا ښودل شوي دي.
ددې لیدنې پر مهال د قرنطیني شبکو چارواکو د ګمرکاتو له خوا نه همغږي د دغو مراکزو لویه ستونزه وبلل، چې د بوټو ساتنې او قرنطین رییس له خوا ورته دحل ډاډ ورکړل شو.
په همدې موخه د کرنې وزارت د بوټو ساتنې او قرنطین رییس عتیق الله مسلم د مالیې وزارت د ګمرکاتو لوی رییس مولوی عبدالمتین سعید سره په کتنه کې پر یادو ستونزو خبرې وکړې، چې د مالیې وزارت د ګمرکاتو لوی رییس مولوی عبدالمتین سعید له خوا ورته د هر راز همکاریو ژمنه وکړه او زیاته یې کړه، چې د ښې همغږۍ په پار دې باید د دواړو وزارتو ترمنځ هوکړه لیک لاسلیک شي.