گفتگوی تاجران با تاجران و تاجران با دولت در نمایشگاه زراعتی بادام‌باغ
۵حمل ۱۴۰۰
در حاشیه نمایشگاه زراعتی بادام‌باغ، شماری از تاجران عرصه‌ی زراعتی با همدیگر و با نمایندگان دولتی در باره چگونگی ادامه‌ی فعالیت‌های‌شان باهم گفتگو کردند.
در برنامه‌های «B2B» و «B2G»، تاجران و مسوولان پروژه‌های زراعتی در باره روندکاری‌شان باهم دیگر معلومات لازم را شریک ساختند.
مسوولان پروژه‌ها، موسسات همکار دهقانان و سکتور زراعت فعالیت‌های‌شان را تشریح کرده و هم‌چنان از برنامه‌های آینده‌ی‌شان معلومات دادند. متشبثین و مولدین با همدیگر بحث کرده و سوالات‌شان را مطرح ساختند. در این برنامه بانوان و مردان تجارت پیشه، دهقانان و صنعت‌کاران حضور داشتند. برنامه دیدار تجار با تجار و تجار با دولت به ابتکار وزارت زراعت همه ساله در محوطه نمایشگاه زراعتی بادام‌باغ راهاندازی می‌شود.
