ننګرهار کې د تازه مېوو یو ورځنی نندارتون دائر شو

mail-admin
سه‌شنبه ۱۴۰۳/۴/۵ - ۱۰:۵۷
ننګرهار کې د تازه مېوو یو ورځنی نندارتون دائر شو

۵ چنګاښ ۱۴۰۳ه‍.ش
۱۸ ذی‌الحِجّة ۱۴۴۵ه‍.ق
دننګرهار د کرنې، اوبولګولو اومالدارۍ ریاست له خوا د ننګرهار ولایت په مقام کې د اوړي موسم د تازه مېوو يو ورځنی نندارتون په لاره واچول شوه.
د ننګرهار دکرنې ریاست چارواکو وويل، چې له دې نندارتون څخه موخه هېوادوالو ته د خپلو مېوو په اړه د معلوماتو ورکول او ورته پيغام رسول دي، ترڅو په مناسبو سيمو کې د دې مېوو بڼونه جوړ او پرمټ يې حلال رزق ترلاسه کړي.
دوی وويل: «موږ خپلو اړوندو ادارو سره په ګډه کار کوو ترڅو په ولسواليو کې کرنې، بڼوالۍ او مالدارۍ سکتور ته پراختيا ورکړو او په دې سره ځان بساينې ته نږدې شو.»
دکرنې وزارت چارواکي وایي، هڅه کوي، چې په ننګرهار او نورو ولایتونو کې د خرما او ستروسو د بېلابېلو ډولونو بڼونه جوړ کړي همدا راز به بزګرانو او بڼوالو ته د ښه حاصل او بازار موندنې په برخه کې لازمې اسانتياوې رامنځته کړي.
د ننګرهار د کرنې ریاست چارواکي وويل، چې په دې نندارتون کې د اوړي موسم د هغو مېوو بېلابېل ډولونه نندارې ته اېښودل شوي، چې تازه رسيدلي دي. د دوی په خبره په دې مېوو کې شپږ ډوله الوچې، دوه ډوله انګور او يو ډول انځر شامل دي.
د يادونې ده، چې د ننګرهار د کرنې رياست د بڼوالۍ پراختيايي مرکز اړوند  فارم جديد کې اووه ملي کليکسيونونه او اووه ننداریز بڼونه دي، چې په کې د انار ۷۹، ستروسو ۷۶، املکو ۲۴، زيتون ۱۰، خرما ۶، لوکاټ ۱۲، انځر ۱۶، شفتالو ۸، زردالو ۸، الوچه ۸، انګور ۲، ناک ۱، زردالو ۷، ستروس تجربوي ۹ او یو تنه انار ۳ چې جمله ۲۵۱ نوعې کيږي تر څېړنې لاندې دي.
بايد وويل شي، چې ننګرهار ولايت د سړې، معتدلې او ګرمې اوبو او هوا لرونکی ولایت دی، چې له نېکه مرغه په کې لسګونه ډوله مېوې او سابه کرل کېږي.

تازه ترین اخبار

شنبه ۱۴۰۳/۵/۶ - ۱۵:۲۹
Background image

د میدان وردګو جلریز کې پر سلګونو بزګرانو د غنمو اصلاح شوي تخمونو او کیمیاوي سرې وېش لړۍ پيل شوه 

۶ زمری ۱۴۰۳ه‍.ش
۲۱ مُحَرَّمُ الحَرام ۱۴۴۶ه‍.ق
د میدان وردګو ولایت د کرنې، اوبولګولو او مالدارۍ ریاست د ملګرو ملتونو دخوړو او کرنې ادارې په مالي او د «اسټارز» مؤسسې په تخنیکي همکارۍ ددې. . .

شنبه ۱۴۰۳/۵/۶ - ۱۵:۲۷
Background image

هلمند کې د شاتو مچیو روزنې د ټولنې له چاراکو سره ناسته ترسره شوه

۶ زمری ۱۴۰۳ه‍.ش
۲۱ مُحَرَّمُ الحَرام ۱۴۴۶ه‍.ق     
د هلمند ولایت د شاتو مچیو روزنې ټولنې مسولینو د کرنې، اوبولګولو او مالدارۍ ریاست اړوند د مالدارۍ او حیواني روغتیا امر حافظ هدایت الله. . .

شنبه ۱۴۰۳/۵/۶ - ۱۵:۲۴
Background image

د هلمند کجکي کې حيواني او نباتي درمل پلورنځیو څخه څارنه وشوه 

۶ زمری ۱۴۰۳ه‍.ش
۲۱ مُحَرَّمُ الحَرام ۱۴۴۶ه‍.ق
د هلمند د کرنې، اوبولګولو او مالدارۍ رياست اړوند د کجکي ولسوالی څارویو روغتیا او بوټو ساتنې مدیریتونو له لورې، ددې ولسوالی په مربوطاتو کې. . .

بازگشت