د دولتي ځمکو د اجاره ورکولو د کړن لارې جوړولو وروستۍ غونډه دائره شوه
۲۲ زمری ۱۴۰۱ه.ش
۱۵ محرم الحرام ۱۴۴۴ ه.ق
دکرنې، اوبولګولو او مالدارۍ وزارت د مالي او اداري مرستیال مولوی فضل الباري فضلي؛ په مشرۍ د دولتي ځمکو د اجاره ورکولو د کړن لارې جوړولو وروستۍ غونډه دائره شوه.
دغه غونډه د مخکینیو غونډو په دوام د مازادو دولتي ځمکو د اجاره ورکولو په پار د امیر المؤمنین شیخ هبته الله آخند زاده حفظه الله د حکم د تحقق په موخه دائره شوې وه، چې تر دې مخکې د کرنې وزارت او د اراضي ادارې د کارکوونکو ګډې کمېټې جوړې شوې وې او یادو کمېټو د یادې اجاره ورکونې د کړن لارې مسوده چمتو کړې ده، چې په دې غونډه کې د یادې کړن لارې پر بشپړولو او د اسلامي امارت رهبرۍ ته یې پر وړاندې کولو خبرې اترې وشوې.
ټاکل شوې، چې تر بشپړېدو وروسته یاد طرزالعمل د منظورۍ په پار امیر المؤمنین شیخ هبته الله آخند زاده حفظه الله ته استول کېږي.