د کرنې او مالدارۍ مرستیال د چرګانوپالنې په سکتور کې پر ځان‌بسیاینې ټینګار وکړ

qiam_amin
یکشنبه ۱۴۰۵/۸/۳ - ۱۴:۳۶
د کرنې او مالدارۍ مرستیال د چرګانوپالنې په سکتور کې پر ځان‌بسیاینې ټینګار وکړ

۳ لړم ۱۴۰۵ هـ.ش

۱۳ جُمَادَى الأول ۱۴۴۸ هـ.ق

د کرنې، اوبولګولو او مالدارۍ وزارت د کرنې او مالدارۍ مرستیال مولوي صدراعظم عثماني د چرګانوپالنې سکتور له فارم‌لرونکو او سوداګرو سره په لیدنه کې د هګیو، چرګانو غوښې، د چرګانو د خوراکي توکو او چرګوړو د تولید پر زیاتوالي او د دغه سکتور د محصولاتو د کیفیت او بیو پر ښه‌والي ټینګار وکړ.

مولوي صدراعظم عثماني وویل، چې افغانستان د چرګانوپالنې په برخه کې ځان‌بسیاینې ته نږدې شوی او اړینه ده، چې سوداګر، فارم‌لرونکي او اړوندې اتحادیې د دغه سکتور په بېلابېلو برخو کې د پانګونې له لارې هڅې وکړي، څو هېواد بشپړې ځان‌بسیاینې ته ورسېږي.

په دې لیدنه کې د چرګانوپالنې فارم‌لرونکو هېواد ته د بې‌کیفیته او ناروغو چرګوړو د واردېدو او په بازار کې د بیو د بدلونونو په اړه اندېښنې څرګندې کړې او د وارداتو د کمولو او له کورنیو تولیدوونکو څخه د لا زیات ملاتړ غوښتنه یې وکړه.

د کرنې او مالدارۍ مرستیال په بازار کې د عامه ګټو پر رعایت ټینګار وکړ او ویې ویل، چې تولیدوونکي او واردوونکي باید د خپلو شخصي ګټو ترڅنګ د بازار وضعیت، د محصولاتو کافي عرضه او د خلکو د پېرلو توان هم په پام کې ونیسي.

د کرنې، اوبولګولو او مالدارۍ وزارت د کورنیو تولیدوونکو د ملاتړ او د چرګانوپالنې په سکتور کې د پانګونې د پیاوړتیا په موخه، د کرنیزې پراختیا صندوق له لارې تولیدوونکو ته پورونه برابروي، څو د تولیدي فعالیتونو د پراختیا او پر وارداتو د تکیې د کمولو لپاره زمینه برابره شي.

تازه ترین اخبار

چهارشنبه ۱۴۰۵/۸/۲۷ - ۱۵:۴۹
Background image

سویل ختیځ زون کې د کانګو وینه بهېدونکې تبې د مخنیوي کمپاین پیل شو

۲۷ لړم ۱۴۰۵ هـ.ش
۷ جُمَادَى الثانی ۱۴۴۸ هـ.ق
د پکتیا د کرنې، اوبو لګولو او مالدارۍ ریاست په هڅو؛ د ملګرو ملتونو د خوړو اوکرنې ادارې په مالي لګښت، د کانګو تبې وینه بهېدونکې ناروغۍ د. . .

چهارشنبه ۱۴۰۵/۸/۲۷ - ۱۵:۳۴
Background image

ننګرهار کې د کوچنیو کاروبارونو د پراختیا په موخه ۶۷ کسانو ته دوه ورځنی روزنیز ورکشاپ پیل شو

۲۷ لړم ۱۴۰۵ هـ.ش
۷ جُمَادَى الثانی ۱۴۴۸ هـ.ق
د ننګرهار کرنې، اوبولګولو او مالدارۍ ریاست په هڅو، د افغانستان لپاره د هالینډ کمېټې په تخنیکي همکارۍ او د کرنې نړۍوال پراختیایي صندوق «آی‌اف. . .

چهارشنبه ۱۴۰۵/۸/۲۷ - ۱۵:۳۲
Background image

پکتیکا کې د کوکنارو د بدیل کښت پروژې اړوند د بادامو په بڼونو کې د څاڅکي اوبو لګولو سیسټم لګولو چارې ۷۷ سلنه بشپړې شوې

۲۷ لړم ۱۴۰۵ هـ.ش
۷ جُمَادَى الثانی ۱۴۴۸ هـ.ق
د پکتیکا ولایت په مرکز «ښرنه» کې د کوکنارو د بدیل کښت د پراختیايي پروژې اړوند، د بادامو په ۲۵ جریبه بڼونو کې د څاڅکي اوبو لګولو سیسټم لګولو. . .

بازگشت