ننګرهار کې د کوچنیو کاروبارونو د پراختیا په موخه ۶۷ کسانو ته دوه ورځنی روزنیز ورکشاپ پیل شو

mail-admin
چهارشنبه ۱۴۰۵/۸/۲۷ - ۱۵:۳۴
ننګرهار کې د کوچنیو کاروبارونو د پراختیا په موخه ۶۷ کسانو ته دوه ورځنی روزنیز ورکشاپ پیل شو

۲۷ لړم ۱۴۰۵ هـ.ش
۷ جُمَادَى الثانی ۱۴۴۸ هـ.ق
د ننګرهار کرنې، اوبولګولو او مالدارۍ ریاست په هڅو، د افغانستان لپاره د هالینډ کمېټې په تخنیکي همکارۍ او د کرنې نړۍوال پراختیایي صندوق «آی‌اف‌اې‌ډي»په مالي ملاتړ، د ننګرهار او کونړ ولایتونو ۶۷ تنو وترنر ډاکټرانو او کوچنیو کاروباریانو ته د کوچنیو کاروبارونو د پراختیا په موخه دوه ورځنی روزنیز ورکشاپ پیل شو.
د افغانستان لپاره د هالینډ کمېټې د ختیځ زون مسؤل ډاکټر رحیم الله سلیمي د ورکشاپ پر ارزښت او موخو خبري وکړي، او وي ویل هڅه کوي چې د ختیځ زون په کچه د لبنیاتو او حیواني فرعي محصولاتو کاروباریانو ته د کاروبار د پراختیا، نويو تخنیکونو او اغېزمنو کاري لارو په برخو کې لازمې روزنې وړاندې کړي، څو د هغوی کاروبارونه پیاوړي او اقتصادي فعالیتونه یې پراخ شي.
د ننګرهار کرنې، اوبو لګولو او مالدارۍ ریاست د پلان، همغږۍ او خصوصي سکتور پراختیا لوی مدیر انجینر عطاالحق بشري د یاد ورکشاپ د جوړېدو له امله د هالینډ کمېټې له مسؤلینو مننه وکړه. نوموړي د کاروبارونو پر اقتصادي ارزښت او د حیواني محصولاتو پر اهمیت خبرې وکړې او ګډونوالو ته یې د خپلو کاروبارونو د پرمختګ، کیفیت لوړولو او بازارموندنې په برخه کې اړینې سپارښتنې او لارښوونې وکړې.
دغه دوه ورځنی روزنیز پروګرام د استاد سید عثمان روشن له لوري پر مخ وړل کېږي، چې پکې ګډونوالو ته د کاروبار د پراختیا، د حیواني محصولاتو پروسس، د سوداګریزو پلانونو جوړولو، بازارموندنې، د مشتریانو جلبولو، د باکیفیته محصولاتو برابرولو او نورو اړوندو برخو کې روزنه ورکول کېږي.
د یادونې وړ ده، چې د دې پروګرام په لړ کې له یو شمېر کوچنیو کاروباریانو سره د حیواني فرعي او لبنیزو محصولاتو د پروسس وسایل، همدارنګه د وترنرۍ کلینیکونو لپاره د مالدارۍ د خدمتونو د پیاوړتیا په موخه د اړینو وسایلو او درملو مرسته هم شوې ده.
د دې روزنیز پروګرام موخه د کوچنیو کاروبارونو د ظرفیت لوړول، د حیواني محصولاتو د کیفیت ښه کول، د بازارموندنې پیاوړتیا او د مالدارۍ په سکتور کې د اقتصادي فعالیتونو پراختیا ده.

تازه ترین اخبار

چهارشنبه ۱۴۰۵/۸/۲۷ - ۱۵:۴۹
Background image

سویل ختیځ زون کې د کانګو وینه بهېدونکې تبې د مخنیوي کمپاین پیل شو

۲۷ لړم ۱۴۰۵ هـ.ش
۷ جُمَادَى الثانی ۱۴۴۸ هـ.ق
د پکتیا د کرنې، اوبو لګولو او مالدارۍ ریاست په هڅو؛ د ملګرو ملتونو د خوړو اوکرنې ادارې په مالي لګښت، د کانګو تبې وینه بهېدونکې ناروغۍ د. . .

چهارشنبه ۱۴۰۵/۸/۲۷ - ۱۵:۳۴
Background image

ننګرهار کې د کوچنیو کاروبارونو د پراختیا په موخه ۶۷ کسانو ته دوه ورځنی روزنیز ورکشاپ پیل شو

۲۷ لړم ۱۴۰۵ هـ.ش
۷ جُمَادَى الثانی ۱۴۴۸ هـ.ق
د ننګرهار کرنې، اوبولګولو او مالدارۍ ریاست په هڅو، د افغانستان لپاره د هالینډ کمېټې په تخنیکي همکارۍ او د کرنې نړۍوال پراختیایي صندوق «آی‌اف. . .

چهارشنبه ۱۴۰۵/۸/۲۷ - ۱۵:۳۲
Background image

پکتیکا کې د کوکنارو د بدیل کښت پروژې اړوند د بادامو په بڼونو کې د څاڅکي اوبو لګولو سیسټم لګولو چارې ۷۷ سلنه بشپړې شوې

۲۷ لړم ۱۴۰۵ هـ.ش
۷ جُمَادَى الثانی ۱۴۴۸ هـ.ق
د پکتیکا ولایت په مرکز «ښرنه» کې د کوکنارو د بدیل کښت د پراختیايي پروژې اړوند، د بادامو په ۲۵ جریبه بڼونو کې د څاڅکي اوبو لګولو سیسټم لګولو. . .

بازگشت