کندهار کې ۲۰۰ بې وزله کورنۍ د اچارو او مربا جوړولو په برخه کې روزل کېږي

د کندهار دکرنې، اوبولګولو او مالدارۍ ریاست چارواکي وایي، چې د اسلامي هوساینې مؤسسې په مرسته یې د دې ولایت د ارغنداب ولسوالی ۲۰۰ بې وزله کورنیو ته د اچارو او مربا جوړولو او لبني محصولاتو ساتنې په موخه روزنیز پروګرام په لاره اچولې ده.
د چارواکو په خبره په دې پروګرام کې شاملو کسانو ته په ۲۰ ورځنۍ دوره کې د سبو او مېوې وچولو، له ترکاريو څخه د اچار جوړولو او له تازه مېوې څخه د مربا جوړولو او د لبنیاتو د سانې زده کړې ورکول کېږي.
د کندهار درکې ریاست چارواکي وایي، چې دغه کار سره به د کندهار کرنیز محصولات لوړ ارزښت پيدا کړي او سيمه به د وخت په تېرېدو کور دننه په خپلو اچارو، وچو سابو او وچو مېوو بسيا شي.
د کندهار دکرنې ریاست چارواکو ژمنه وکړه،چې دغه روزنيز پروګرامونه به د کندهار نورو ولسواليو ته هم وغځوي.