فراه کې د خرماوو ۱۰۰ جریبه بڼ
۲۶ وږی ۱۳۹۹
د فراه ولایت د خرماوو ونې، سږکال نږدې دوه زره کیلو حاصل ورکوي.
دغه بڼ د فراه ولایت د کرنې ریاست له خوا او د «الغرافه» موسسې په همکارۍ، نږدې شپږ کال مخکې جوړه شوې ده.
دغه بڼ، د یو څېړنیز فارم بڼه لري، چې ددې ګران بیې مېوې د څېړنې او توافق په موخه په دې ولایت کې جوړه شوې ده. ددې بڼ پراخوالی نږدې ۱۰۰ جریبه ځمکه ده.
ټاکل شوې، چې سږکال به هم په دې بڼ کې د خرماوو سلګونه ونې کېنول شي. په همدې حال کې خصوصي سکټور هم په ۲۷ جریبه ځمکه کې د خرماوو بڼ جوړوي.
