ننګرهار کې پر لسګونو بزګرانو مرستې ووېشل شوې

۲۴ غویی ۱۴۰۵ه‍.ش
۲۷ ذُو ٱلْقَعْدَةِ ۱۴۴۷ه‍.ق
د ننګرهار د کرنې، اوبو لګولو او مالدارۍ ریاست په هڅو او دافغانستان لپاره د هالینډ کمېټې په تخنیکي او اروپایي تولنې په مالي لګښت په د دره نور، کوزکونړ او سره رود ولسوالیو ٣٦ بزګرانو سره د باجرې اصلاح شوي تخم، کیمیاوي سرو او کرنیزو وسایلو مرسته وشوه.
د ننګرهار کرنې، اوبو لګولو او مالدارۍ رییس مولوي عبدالستار محمد وویل هر بزګر ته ٧ کیلو ګرامه د باجرې اصلاح شوي تخم،٧ کیلو ګرامه توره او ١٤ کیلو ګرامه یوریا سرې او په کرنیزو وسایلو کې بېلچه، تسکوره، پنجي کش، لوحه او لور مرسته وشوه.
د ننګرهار د کرنې رییس زیاته کړه د باجرې تخم وېش موخه د څارویو لپاره د علفي او مناسبه باکیفیته غذایي موادو برابرول، د حیواني محصولاتو ځنځیري ارزښت پیاوړتیا او اقلیم بدلون دی، ترڅو وکولې شو د خپلو څارویو څخه په زیاته اندازه محصولات ترلاسه کړو.