یوه کال کې د شړشمو یوزرو ۲۹۸ ټنه غوړي تولید شوې
۶ غبرګولی ۱۴۰۰
د کرنې، اوبولګولو او مالدارۍ وزارت د احصایې او مالوماتو ریاست شمېرې ښیي، چې د تېرکال په ترڅ کې، د هېواد د شړشمو له کروندو څخه، د شړشمو یوزرو ۲۹۸ ټنه غوړي تر لاسه شوي دي.
د شمېرو له مخې، تېرکال د هېواد په کچه په یوزرو ۴۵۷ هکټآره ځمکه شړشم کرل شوې وه. د شړشمو ډېری کروندې، د سمنګان، تخار، بدخشان، بغلان، کاپیسا او غزني په ولایتونو کې شتون درلود.
د شړشمو غوړي یا تېل ډېر روغتیايي ګټې لري. د شړشمو غوړي، د درمل په توګه د استفادې ترڅنګ په پخلي کې هم کارول کېږي.
