د کرنې وزير د کندهار د کرنيزو شرکتونو له چارواکو او يوشمېر سوداګرو سره وکتل

mail-admin
دوشنبه ۱۴۰۰/۱/۹ - ۱۶:۱۲
د کرنې وزير د کندهار د کرنيزو شرکتونو له چارواکو او يوشمېر سوداګرو سره وکتل

۹وری ۱۴۰۰
د کرنې، اوبولګولو او مالدارۍ وزير ډاکټر انوار الحق احدي کندهار ولايت ته دخپل سفر په ترڅ کې د دې ولايت د سوداګرۍ او پانګونې خونې د مالدارۍ او کرنيزو شرکتونو چارواکو، پانګوالو او سوداګرو سره وکتل او پر شته فرصتونو او ننګونې خبرې اترې وکړې.
د کندهار د سوداکرۍ او پانکونې خونې رييس نصرالله زهیر د کندهار ولايت د کرنيزو توليداتو او په دې ولايت کې د شنوخونو او يو شمېر نورو مواردو په هکله د کرنې وزير ته مالومات وړاندې کړل.
په دې ليدنه کې پانګوال، د کرنې له وزير څخه د تازه او ووچو مېوو د توليد په پار د زمينې برابرولو، د کرنيزو درملو دکيفيت لوړول، د ډول ډول تخمونو وېش، د احصايې سيسټم پياوړتيا، د ګمرک د لګښتونو ټيټوالی، په لويو لارو کې د ستونزو او د محصولاتو وچول او د پنبې د ستونزو د هوارولو په پار د ملاتړ او همکاريو غوښتنه وکړل. د کښت او توليد زياتوالی، د زېرمتونونو کمښت، پانګوالو ته ځمکې ځانګړې کول، د مېوو په برخه کې بشپړ څېړنې، د طبي بوټو، تازه او وچو مېوو په توليد کې نړيوال سرټفکېټونه او د اسټنډرډ لابراټوار نه شتون ستونزې هوارول، د کرنې وزير څخه د سوداکرو او پانګوالو نورې غوښتنې وې.
په همدې حال کې د کرنې وزير وويل، چې کندهار کې د کرنې او مالدارۍ په برخه کې وړتياوې ډېر دي او د مالدارۍ او کرنيزو توکو په برخه کې کندهار مهمه ونډه لري. هغه وويل، چې يوشمېر ستونزې شتون لري او وزارت يې هوارولو په پار هلې ځلې کوي.
ډاکټر انوارالحق احدي دغه راز د خوښۍ په څرګندولو سره وويل، چې په ۱۳۹۹يم کال کې د څه باندې ۶۵۰ ميليونه افغانيو په لګښت د کرنې وزارت له خوا په کندهار کې پراختيايي پروژې پلي شوي دي او روان کال ددغو پروژو شمېر زياتېږي.
د کرنې وزير سوداګرو او پانکوالو ته وويل:"موږ هلې ځلې کوو چې روان کال ډېړ سوداکريزې شنې خونې، سړې خونې او بڼونه جوړ کړو."

تازه ترین اخبار

سه‌شنبه ۱۴۰۴/۷/۱۵ - ۱۴:۶
Background image

خوست کې د ګانګو تبې د مخنیوي کمپاین پیل شو

۱۵ تله ۱۴۰۴ هـ.ش
۱۴ رَبِیعُ الْثاني ۱۴۴۷ هـ.ق
د خوست دکرنې، اوبو لګولو او مالدارۍ ریاست له خوا د ګانګو وینې بهېدونکې تبې  ناروغۍ د مخنیوي په موخه کمپاین په رسمي ډول پیل شو.
یاد کمپاین د. . .

سه‌شنبه ۱۴۰۴/۷/۱۵ - ۱۳:۲۳
Background image

کابل کې د کرنیزو او مالدارۍ محصولاتو درې دېرشم نندارتون بریالۍ ترسره شوه 

۱۵ تله ۱۴۰۴ هـ.ش
۱۴ رَبِیعُ الْثاني ۱۴۴۷ هـ.ق
د کرنې، اوبولګولو او مالدارۍ وزارت له خوا د کرنیزو او مالدارۍ محصولاتو درې دېرشم نندارتون د ۱۴۰۴ هـ.ل کال د تلې له ۹ تر ۱۲مې نېټې پورې، د. . .

سه‌شنبه ۱۴۰۴/۷/۱۵ - ۸:۵۰
Background image

ننګرهار کې پر لسګونو کورنیو د شېدو راټولولو توکي ووېشل شول

۱۴ تله ۱۴۰۴ هـ.ش
۱۳ رَبِیعُ الْثاني ۱۴۴۷ هـ.ق
د ننګرهار دکرنې، اوبو لګولو او مالدارۍ ریاست په هڅو د ډاکار خیریه مؤسسې له لورې ۱۵۰ کورنیو ته د یو میلیون او ۱۲۲ زره افغانیو په لګښت د شېدو. . .

بازگشت