نورستان کې د اوبو مدیریت او اقلیمي بدلونونو سره د سمون په موخه یو شمېر پروژې بشپړې او ګټې اخیستنې ته وسپارل شوې

qiam_amin
سه‌شنبه ۱۴۰۵/۸/۲۶ - ۱۴:۴۷
نورستان کې د اوبو مدیریت او اقلیمي بدلونونو سره د سمون په موخه یو شمېر پروژې بشپړې او ګټې اخیستنې ته وسپارل شوې

۲۶ لړم ۱۴۰۵ هـ.ش

۶ جُمَادَى الثانی ۱۴۴۸ هـ.ق

د نورستان ولایت په کانتیوا ولسوالی کې د اقلیمي بدلونونو سره د سمون او د کلیوالي معیشت د پیاوړتیا په موخه د اوبو مدیریت یوه پروژه، چې د اروپایي اتحادیې او د سویس د پراختیا او همکارۍ ادارې «اس‌ډي‌سي» په مالي ملاتړ د ډنمارک د کډوالو شورا «ډي‌آرسي» له لوري پلې شوې وه، د کرنې، اوبولګولو او مالدارۍ ریاست تر څارنې لاندې بشپړه او د سیمې خلکو ته د ګټې اخیستنې په موخه وسپارل شوه.

د یادې پروژې په ترڅ کې، چې د ۱۴۰۵ کال په اوږدو کې پلې شوې، د کانتیوا ولسوالی په سفله کلي کې د ۲۴۰ مترو په اوږدوالي یو کانکریټي کانال جوړ شوی، چې د کرنیزو او بڼوالیزو ځمکو د خړوبولو لپاره ترې ګټه اخیستل کېږي. همدارنګه، په دې کلي کې ۶۱۰ د اوبو زېرمه کولو او خاورې ساتنې کندې (ټرنچونه) هم جوړې شوې دي.

دغه راز، د کانتیوا ولسوالی په مرکزي کلي کې د ۲۰ مترو په اوږدوالي، ۱۰ مترو په پلنوالي او ۲.۵ مترو په ژوروالي یو د اوبو زېرمه کولو حوض جوړ شوی دی. سربېره پر دې، په یاد کلي کې ۹۱۸ ټرنچونه او ۵۰ چک‌ډېمونه هم جوړ او ګټې اخیستنې ته چمتو شوي دي.

د یادو فعالیتونو د سپارلو په مراسمو کې د کرنې، اوبولګولو او مالدارۍ ریاست، اقتصاد ریاست، د کانتیوا ولسوالی او د «ډي‌آرسي» مؤسسې استازو ګډون درلود او بشپړې شوې پروژې یې د سفله او مرکزي کلیو اوسېدونکو ته وسپارلې.

د اقلیمي بدلونونو منفي اغېزې، د اوبو د سرچینو کمښت او د وچکالۍ ګواښونه د هېواد په بېلابېلو سیمو کې د کرنې او کلیوالي معیشت پر وړاندې جدي ننګونې دي. د دغو ننګونو د کمولو، د اوبو د سرچینو د اغېزمن مدیریت، د باراني اوبو د راټولولو، د کرنیزو ځمکو د خړوبولو او د ځمکې د تخریب د مخنیوي په موخه د کرنې، اوبولګولو او مالدارۍ وزارت د همکارو مؤسسو په ملاتړ د اوبو مدیریت او د طبیعي سرچینو د ساتنې پروژې پلي کوي.

تازه ترین اخبار

سه‌شنبه ۱۴۰۵/۸/۲۶ - ۱۴:۵۶
Background image

د هېواد په ۳۴ ولایتونو کې د غنمو ۶۱۴ ننداریزې کروندې جوړې او پلې شوې

۲۶ لړم ۱۴۰۵ هـ.ش

۶ جُمَادَى الثانی ۱۴۴۸ هـ.ق

د کرنې، اوبولګولو او مالدارۍ وزارت د کرنیزو ترویج عمومي ریاست د غله‌جاتو او صنعتي نباتاتو د پراختیا ریاست د ۱۴۰۵ کال د پراختیایي او ترویجي. . .

سه‌شنبه ۱۴۰۵/۸/۲۶ - ۱۴:۵۳
Background image

د میدان وردګو جلریز ولسوالی په بېلابېلو سیمو کې د کرنیزو او پراختیایي پروژو چارې په چټکۍ روانې دي

۲۶ لړم ۱۴۰۵ هـ.ش

۶ جُمَادَى الثانی ۱۴۴۸ هـ.ق

د میدان وردګو ولایت د جلریز ولسوالی په بېلابېلو حوزو کې د همکارې مؤسسې له لوري، د دغه ولایت د کرنې، اوبولګولو او مالدارۍ ریاست په همغږۍ، د. . .

سه‌شنبه ۱۴۰۵/۸/۲۶ - ۱۴:۴۷
Background image

نورستان کې د اوبو مدیریت او اقلیمي بدلونونو سره د سمون په موخه یو شمېر پروژې بشپړې او ګټې اخیستنې ته وسپارل شوې

۲۶ لړم ۱۴۰۵ هـ.ش

۶ جُمَادَى الثانی ۱۴۴۸ هـ.ق

د نورستان ولایت په کانتیوا ولسوالی کې د اقلیمي بدلونونو سره د سمون او د کلیوالي معیشت د پیاوړتیا په موخه د اوبو مدیریت یوه پروژه، چې د. . .

بازگشت