هلمند کې پر یوشمېر بېوزلو مېرمنو د سبو د پروسس توکي ووېشل شوې
![هلمند کې پر یوشمېر بېوزلو مېرمنو د سبو د پروسس توکي ووېشل شوې](https://www.mail.gov.af/sites/default/files/2020-02/87937861_3077959412228638_1692188127889719296_o.jpg)
۸ کب ۱۳۹۸
د کرنې، اوبولګولو او مالدارۍ وزارت د کورنیو د اقتصادي ودې په پار داځل په هلمند ولایت کې پر یوشمېر بېوزلو مېرمنو د سبو د پروسس توکي وېشل شوي دي.
د هلمند د کرنې، اوبولګولو او مالدارۍ رییس زلمی الکو وایي، چې د کرنې وزارت د بڼوالۍ او مالدارۍ ملي پروژې په همکارۍ ددې ولایت پر یوشمېر بېوزلو مېرمنو د سبو د پروسس اړین توکي وېشل شوي دي. د ښاغلي الکو په خبره ددغو وېشل شویو توکو پرمټ به برخمن شوي مېرمنې وکولای شي، چې په خپلو کورونو کې مربا، اچار، چتني او سرکه جوړ او بازار ته یې وړاندې کړي.
همداراز ددې پروژې برخمن شوي مېرمنولپاره د اچارو جوړولو، د مېوو او سبو وچولو او بسته بندي په برخه کې هم په عملي او نظري ډول روزنیز پروګرام په لاره اچول شوې وه.
ددې پروژې موخه بېوزلو مېرمنو ته کارموندنه او همداراز د بېلابېلو کرنیزو بروخو ترویج او په کورنیو کې د خوړو خوندیتوب دي تر څو مېرمنې وکولای شي، چې د خپلو کرنیزو محصولاتو له لارې د خپلو کورنیو په اقتصادي وده کې ونډه ولري.