د ننګرهار وادي شرکت په څلورګونو فارمونو کې د مالټو بڼونو پراختیا
۲۳ وږی ۱۴۰۵ هـ.ش
۱ رَبِیعُ الْثاني ۱۴۴۸ هـ.ق
د ننګرهار وادي کرنیز امارتي شرکت د کرنیزو فعالیتونو د پراختیا، د بڼوالۍ د ودې او د کورنیو تولیداتو د زیاتوالي په موخه په خپلو څلورګونو فارمونو کې د مالټو بڼونو ته پراختیا ورکړې ده.
د ننګرهار وادي کرنیز امارتي شرکت اړوند په څلورګونو فارمونو کې په پراخه کچه د مالټو بڼونه جوړ شوي، چې د کرنیزو فعالیتونو د پراختیا ترڅنګ یې ګڼ شمېر هېوادوالو ته د کار او روزګار زمینه هم برابره کړې ده.
د یاد شرکت چارواکي وايي، د مالټو بڼونو پراختیا د کرنیزو ځمکو څخه د اغېزمنې استفادې، د بڼوالۍ د ودې، د کورنیو تولیداتو د زیاتوالي او د هېواد د اقتصادي پیاوړتیا په موخه ترسره کېږي.
د مسوولینو په خبره، د دغو بڼونو د ساتنې او پالنې، د ونو د مراقبت او د حاصلاتو د راټولولو په بېلابېلو پړاوونو کې د سیمې ګڼ شمېر خلکو ته د کار زمینه برابره شوې ده.
د مالټو بڼونو پراختیا نه یوازې د کرنیزو ځمکو په اغېزمنه کارونه او د بڼوالۍ په وده کې مهم رول لري، بلکې د هېواد د کورنیو تولیداتو د زیاتوالي او د وارداتي مېوو د اړتیا د کمولو ترڅنګ، د سیمې د خلکو د عایداتي سرچینو په پیاوړتیا او د هېوادوالو لپاره د حلال کار د زمینې په پراخولو کې هم مرسته کوي.
د ننګرهار وادي کرنیز امارتي شرکت د هېواد له مهمو کرنیزو تولیدي بنسټونو څخه دی، چې د کرنیزو ځمکو د اغېزمنې کارونې، د بڼوالۍ د پراختیا، د کورنیو تولیداتو د زیاتوالي او د هېواد د کرنیز اقتصاد د پیاوړتیا په برخه کې فعالیت کوي. دغه شرکت د خپلو څلورګونو فارمونو له لارې د بېلابېلو کرنیزو او بڼوالیزو محصولاتو د تولید ترڅنګ، د سیمې خلکو ته د کار او عاید زمینه هم برابروي. د مالټو بڼونو پراختیا د همدې هڅو یوه برخه ده، چې موخه یې د بڼوالۍ سکټور پیاوړتیا، د کورنیو مېوو تولید زیاتول او د کرنیزو ځمکو څخه لا اغېزمنه ګټه اخیستنه ده.
