د هلمند دکرنې رییس د ملګرو ملتونو د نیشه یي توکو او جرمونو پر وړاندې مبارزې له مسؤلینو سره وکتل
۱۷ کب ۱۴۰۲ه.ش
۲۵ شَعبان المُعَظّم ۱۴۴۵ه.ق
د هلمند ولایت کرنې، اوبولګولو او مالدارۍ رییس مولوي نیازمحمد وهاج د ملګرو ملتونو د نیشه یي توکو او جرمونو پر وړاندې مبارزې له مسؤلینو سره د خپل کار په دفتر کې وکتل.
په دې کتنه کې په افغانستان کې د د ملګرو ملتونو د نیشه یي توکو او جرمونو پر وړاندی د مبارزې دفتر د پروګرامونو او برنامو د پلي کولو او همغږۍ مسوول هدایت الله صافی، د یادې ادارې د څارنې او ارزونې مسؤل حسین علي هزاره، د هلمند، لغمان او ننګرهار د ډاکار د پروژې مسؤل ډاکترعاشق الله عاطف او د زون مسؤل شفیق الله مومند شتون درلود.
په افغانستان کې د د ملګرو ملتونو د نیشه یي توکو او جرمونو پر وړاندی د مبارزې دفتر د پروګرامونو او برنامو د پلي کولو او همغږۍ مسوول هدایت الله صافی وویل: «څرنګه مو چې هلمند کې د بېلابېلو ادارو ترڅنګ د کرنې ریاست په برخه کې ګڼې پروژې پلي کړي دي ، غواړو د یادو پروژو ارزونه او د چارو څخه لیدنه ترسره کړو، تر څو مؤثریت یې وارزوو، ددی ترڅنګ د مسؤلینو او ګټه اخیستونکو سره لیدنې وکړو او د تېرو کړنو په اړه یې نظرونه او څرګندونې ترلاسه کړو».
نوموړي پلاوی همدا راز په هلمند کې د راتلونکو پلانونو او نوو پروژو په اړه کرنې رییس سره خبرې وکړې.
یادو چارواکو وویل: «غواړو ستاسو سره په همهغږۍ او مشوره په دې ولایت کې نوې پروژې تشخیص او ډیزاین کړو ترڅو ددې ولایت د کرنې په برخه کې نوښت او بهبود رامنځته شي.»
په همدې حال کې د هلمند دکرنې رییس وویل: «هلمند کې مو د تېرو ترسره شویو چارو څخه خوښ یو، داچې ددې ریاست له مسؤلینو سره مو په همغږۍ چارې مخې ته بیولي دي، خو داچې د هلمند ولایت په کچه مو فعالیتونه او چارې بسنه نه کوي نو تاسو هڅه وکړئ ترڅو ددې ولایت لپاره مؤثرې پروژې طرح او د عملي تطبیق په موخه یې هلمند کې په لاره واچوي.»
د هلمند دکرنې رییس راغلي پلاوي ته د خپلې ادارې له لوري د بشپړې اصولي همکارۍ ډاډ ورکړ او وې ویل چې، د کرنې، اوبولګولو، او مالدارۍ په برخه کې د بزګرو او ځمکوالو ډیرې اړتیاوې شتون لري نو تاسو هڅه ا وکړئ چې ددې ولایت لپاره بنیادي او پایداره پروژې منظور او تطبیق کړئ.
وروستیو کې راغلي پلاوي د کرنې له رییس څخه خوښي وښوده چې ددوی د برنامو او پروژو د تطبیق په برخه کې ورته د همکاریو ډاډ ورکړ او ژمنه یې وکړه، چې راتلونکي لپاره به د کرنې رییس وړاندیزونه په نظر کې نیسي او د ولایت په کچه به د مهمو کرنیزو پروژو په منظوری کې هر اړخیزه هڅه کوي.
