هلمند کې د ځمکې غصب مخنیوي تخنیکي پلاوي غونډه دائره شوه 

۱  لړم ۱۴۰۲ه‍.ش
۸ ربیع‌الثاني ۱۴۴۵ ه‍.ق
د هلمند ولایت د ځمکې د غصب مخنيوي او غصب شویو ځمکو د تثبیت تخنیکي پلاوي خپله ۷۲مه نوبتي غونډه ترسره کړه.
د هلمند ولایت د ځمکو د غصب مخنيوي او غصب سوو ځمکو د تثبیت تخنیکي پلاوي خپله ۷۲مه نوبتي ناسته د کرنې په ریاست کې ترسره کړه.
په یاده غونډه کې د یادې کمېټې رییس الحاج مولوي نظر محمد صدیقي تر څنګ نورو غړو هم حضور درلود.
تخنیکي پلاوي لومړی د کرنې په ریاست کې خپلمنځي ناسته وکړه او په ځینو مهمو موضوعاتو یې بحث او خبرې وکړې په دې ناسته کې تخنیکي پلاوي په مرکز لښکرګاه کې د احمدشاه بابا انستیتیوت د ځمکې، اداري سیمې، شنه کمربند او احمدشاهي مینې توسعوي پلان د ځمکو په اړه هر اړخیزې خبرې وکړې، اسناد او سوابق یې وارزول او په بېلابېلو موضوعاتو یې لازم تصمیمونه ونیول.
نوموړي پلاوي په ګرمسېر ولسوالی کې د ځنځیري ډراب په سیمه کې د یوې اندازې ځمکې موضوع چې د عالي مقاماتو څخه د څېړنو او ارزونو په موخه تخنیکي پلاوي ته محول شوې وه ترتیب شوي راپور واورېد او د لا ښې اصلاح په موخه یې مربوطه مسؤلینو ته لازمې سپارښتنې وکړې.
تخنیکي پلاوي همدارنګه د ځمکو د غصب مخنیوی او استرداد کمیسون لخوا پر محول شویو یو شمېر نورو موضوعاتو هم بحث او خبرې وکړې او په اړه یې لازم تصمیمونه ونیول. 
وروستیو کې د ګڼو ولسي وګړو املاکي ستونزې په مخامخ ډول واورېدل شوې او یادو اشخاصو ته د اصولي کړنو ډاډ ورکړل شو.