سږکال د کندز د خټکیو حاصلات ۲۱ سلنه زیاته شوې
۷ وږی ۱۳۹۸
د کندز د کرنې، اوبولګولو او مالدارۍ ریاست وایي، چې سږکال ددې ولایت د للمي او اوبیزو پالیزونو د خټکیو حاصلات ۲۱ سلنه زیاته شوې ده.
د کندز د کرنې ریاست چارواکي وایي، چې سږ کال ددې ولایت په دوه زره او ۹۸۴ هکټاره ځمکه کې للمي خټکي او په یو زر او ۳۶۴ هکټاره ځمکه کې اوبیزې خټکي کرل شوي دي. ددې ریاست په خبره په کندز کې د اوبیزو خټکیو ټولیز محصولات ۲۲ زره او ۳۸۰ مټریک ټنو او د للمي خټکیو محصولات شپږ زره او ۸۲۰ مټریک ټنو ته رسیږي. د یاد ریاست په خبره ددې ولایت د خټکیو سږنۍ حاصلات ۲۱ سلنه زیاتوالی ښیي.
دا په داسې حال کې ده، چې تېر کال ددې ولایت په څلور زره او ۳۰۶ هکټاره ځمکه کې للمي او اوبیزې خټکي کرل شوي وو، چې ټولیز محصولات یې څه باندې ۲۴ زره ټنو ته و رسېد.
