کرنې وزیر د میدان وردګ له والي سره وکتل

content_admin
یکشنبه ۱۳۹۸/۱۱/۶ - ۱۴:۵۷
 کرنې وزیر د میدان وردګ له والي سره وکتل

۶ سلواغه ۱۳۹۸
د کرنې، اوبولګولو او مالدارۍ وزیر نصیر احمد درانی د خپل کار په دفترکې د میدان وردګو له والي مظفرالدین یمین او ددې ولایت له یوشمېر بزګرانو او سپین ږېرو سره وکتل.
په دې لیدنه کې د میدان وردګو والي مظفرالدین یمین، یوشمېر بزګرانو او د میدان وردګو ولایت یو شمېر سپین ږېرو په میدان وردګ ولایت کې د کرنې وزارت د کړنو ستاینه وکړه او په دې ولایت کې د کرنې وزارت کړنې اغېزناکې وبللې.
ددې غونډې په ترڅ کې د میدان وردګو والي وويل، سربېره پردې چې ډېرې مثبتې کړنې ترسره شوي دي او د میدان وردګو خلک د دغو کړنو منندوی دي، خو لاهم د بڼوالۍ، مالدارۍ او د کانالونو او سربندونو د جوړولو په برخه کې نور ډېر کار ته اړتیا شته.
ښاغلی یمین وویل، چې د بڼوالۍ او مالدارۍ ملي پروژې لپاره تر دې مخکې په یوشمېر ولسوالیو کې د کار زمینه برابره نه وه، خو دغه ستونزې اوس له منځه تللي او د بڼوالۍ او مالدارۍ پروژو پلي کېدو ته زمینه برابره ده او د میدان وردګو خلک هیله من دي، چې یادو برخو ته پاملرنه ډېرشي.
د میدان وردګو والي دغه راز وویل، چې ددې ولایت په ولسوالیو کې ستونزې ډېرې دي او لا ډېر کار ته اړتیا شته.
په همدې حال کې نصیر احمد درانی خبرې وکړې او یادونه یې وکړه، چې د کرنې وزارت لکه د نورو ولایتونو په څېر د میدان وردګو ولایت د بڼوالۍ د ودې په پار هم کار کوي.
د کرنې وزیر وویل، د میدان وردګو په ولایت کې، چې کومه نوي پروژه پلي کیږي د مالدارۍ او بڼوالۍ په برخه کې کار کوي، چې د یادو برخو د ستونزو کچه به ورسره ټیټه شي.
ښاغلی درانی دغه راز یادونه وکړه، چې د نوي پروژې په پلي کولو سره د کرنې وزارت غواړي، چې د کورنیو په اقتصاد کې مثبت بدلون راولي او د بزګرانو او کروندګور مېرونو د ودې په پار ډېر ښه کارونه ترسره شي تر څو دوی پر ځان بسیاشي.

تازه ترین اخبار

پنجشنبه ۱۴۰۳/۱/۹ - ۱۳:۳۴
Background image

هلمند کې د پستې نیالګیو تولید په پارهڅې، د پستې زرګونه نیالګي تولیدېږي

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د هلمند ولایت د کرنې، اوبولګولو او مالدارۍ ریاست لخوا، د طبیعي سرچینو آمریت اړوند د مرکز لښکرګاه د بولان د نیالګیو روزنځای کې د پستې   پنځه. . .

پنجشنبه ۱۴۰۳/۱/۹ - ۱۳:۲
Background image

ننګرهار کې  ۷۲ زره څارویو ته د چنجیو ضد درمل  او واکسینونو د تطبیق چارې پیل شوې 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار د کرنې، اوبولګولو او مالدارۍ ریاست په هڅو دافغانستان لپاره د هالینډ کمیټې له لورې د ننګرهار ولایت په ۱۳ ولسوالیو کې څارویو ته د. . .

پنجشنبه ۱۴۰۳/۱/۹ - ۱۳:۱
Background image

ننګرهار کې پر زرګونو مالدارانو د څارویو خوراکي توکي وېشل کېږي 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار دکرنې، اوبولګولو او مالدارۍ رییس مولوی عبدالستار محمد د اکشن اېډ مؤسسې او هلال هډ،ا کرنیز شرکت چارواکو سره په کتنه کې د یادو. . .

بازگشت