سوېلي اسيا لپاره د نړيوال بانک مرستيال د کرنې وزير سره په ليدنه کې د يوې نوې پروژې د ډيزاين خبره وکړه

naim.rezai
سه‌شنبه ۱۴۰۰/۳/۱۸ - ۱۷:۱۷
سوېلي اسيا لپاره د نړيوال بانک مرستيال د کرنې وزير سره په ليدنه کې د يوې نوې پروژې د ډيزاين خبره وکړه

۱۸ غبرګولی ۱۴۰۰
دکرنې، اوبولګولو او مالدارۍ وزير ډاکټر اانوارالحق احدي، نن سه شنبې د ۱۴۰۰کال د غبرکولي په ۱۸ مه نېټه سوېلي اسيا لپاره د نړيوال بانک مرستيال هارد ویگ شیفر، سره د بڼوالۍ او مالدارۍ پروژو او دغه راز د کرنيزو محصولاتو د پروسس د پروژو په هکله خبرې وکړې.
په دې ليدنه کې  افغانستان لپاره د نړيوال بانک مشرې هينري کرالي او ددې بانک يوشمېر نورو چارواکو هم شتون درلود.
دکرنې، اوبولګولو او مالدارۍ وزير ډاکټر انوارالحق احدي د افغانستان کرنې سکټور سره د نړيوال بانک له مرستو څخه د مننې ترڅنګ وويل، چې دکرنې وزارت لومړيتوب د بڼوالۍ او مالدارۍ سکټورونو پياوړتيا او پراختيا ده او هلې ځلې کوو چې، د کرنيزو محصولاتو د توليد پر پراختيا او پروسس هم پانګونه ووشي.
دکرنې وزير دغه راز وويل، چې د کرنيزو محصولاتو د پروسس په برخه کې د OMAID پروژه هم کار کوي.
هغه ددې پروژې د عملي پيل په پار د نړيوال بانک د مالي ملاتړ غوښتنه وکړه. ښاغلی احدي دغه راز دکرنې او خوړو خونديتوب بېړنۍ پروژې  (EATS) په هکله هم خبرې وکړې،ياده پروژه يې ملي او ټول شموله وبلله او نړيوال بانک څخه ددې پروژې د ملاتړغوښتنه وکړه.
دکرنې،اوبولګولو او مالدارۍ وزير ډاکټر انوارالحق احدي په دې ليدنه کې پر سږني وچکالۍ او پر کرنه او مالدارۍ يې د اغېزو او دغه راز دغنمو دتوليد پر ټيټوالي خبرې وکړې او وچکالۍ سره د مبارزې په پار د نړيوال بانک د بېړنيو مرستو غوښتنه وکړه.
په همدې حال کې سوېلي اسيا لپاره د نړيوال بانک مرستيال هارد ویگ شیفر، دکرنې سکټور ته د پاملرنې په پار دکرنې وزارت له رهبرۍ څخه د مننې ترڅنګ وويل، چې نړيوال بانک د ترکار لاندې پروژو د ملاتړ سربېره، دکرنې سکټور لپاره د نږدې ۷۰ميليونه يورو په ارزښت اضافي او نوي مرستې برابروي، چې پروژه يې د ډيزاين په حال کې ده.
هغه ددې پروژې د ډيزاين د لاښه والي په پار د کرنې وزارت د رهبرۍ د نظرونو وړاندې کولو غوښتنه وکړه.
سوېلي اسيا لپاره د نړيوال بانک مرستيال دغه راز وويل، چې  د OMAID  پروژه د پيل په درشل کې ده او کولی شي چې د کرنيزو مخصولاتو د پروسس په برخه کې ډېر اغېزناک تمام شي.
د نړيوال بانک چارواکو د کرنې او خوړوخونديتوب بېړنۍ پروژې(EATS)  د پلي کېدو د لړۍ د چټکتيا په پار دکرنې، اوبولګولو او مالدارۍ وزير د لا پاملرنې او هلې ځلې غوښتنه وکړه.

تازه ترین اخبار

چهارشنبه ۱۴۰۵/۸/۲۷ - ۱۵:۴۹
Background image

سویل ختیځ زون کې د کانګو وینه بهېدونکې تبې د مخنیوي کمپاین پیل شو

۲۷ لړم ۱۴۰۵ هـ.ش
۷ جُمَادَى الثانی ۱۴۴۸ هـ.ق
د پکتیا د کرنې، اوبو لګولو او مالدارۍ ریاست په هڅو؛ د ملګرو ملتونو د خوړو اوکرنې ادارې په مالي لګښت، د کانګو تبې وینه بهېدونکې ناروغۍ د. . .

چهارشنبه ۱۴۰۵/۸/۲۷ - ۱۵:۳۴
Background image

ننګرهار کې د کوچنیو کاروبارونو د پراختیا په موخه ۶۷ کسانو ته دوه ورځنی روزنیز ورکشاپ پیل شو

۲۷ لړم ۱۴۰۵ هـ.ش
۷ جُمَادَى الثانی ۱۴۴۸ هـ.ق
د ننګرهار کرنې، اوبولګولو او مالدارۍ ریاست په هڅو، د افغانستان لپاره د هالینډ کمېټې په تخنیکي همکارۍ او د کرنې نړۍوال پراختیایي صندوق «آی‌اف. . .

چهارشنبه ۱۴۰۵/۸/۲۷ - ۱۵:۳۲
Background image

پکتیکا کې د کوکنارو د بدیل کښت پروژې اړوند د بادامو په بڼونو کې د څاڅکي اوبو لګولو سیسټم لګولو چارې ۷۷ سلنه بشپړې شوې

۲۷ لړم ۱۴۰۵ هـ.ش
۷ جُمَادَى الثانی ۱۴۴۸ هـ.ق
د پکتیکا ولایت په مرکز «ښرنه» کې د کوکنارو د بدیل کښت د پراختیايي پروژې اړوند، د بادامو په ۲۵ جریبه بڼونو کې د څاڅکي اوبو لګولو سیسټم لګولو. . .

بازگشت