د کرنې سکټور په برخه کې د فعالو شرکتونو د پام وړ: له څلورویشتم کرنیز نندارتون سره یوځای شئ!

content_admin
د کرنې سکټور په برخه کې د فعالو شرکتونو د پام وړ


له څلورویشتم کرنیز نندارتون سره یوځای شئ!
ټاکل شوې ده، چې د کرنیزو توکو څلورویشتم نندارتون د
۱۳۹۸ یم کال د تلي میاشتې له ۲۴ تر ۲۷مې نېټې پورې، چې د ۲۰۱۹ ام زیږدیز کال د اکټوبر له ۱۶ تر ۱۹ نېټې سره سمون خوري د څلورو ورځو لپاره د کابل په بادام‌باغ کې په لاره واچول شي.
سکټوري فعالینو لپاره زېری دا دی، چې داځل د غرفو کرایې
۵۰ سلنه ټېټه شوې ده.
په دې کرنیز نندارتون کې، د کرنې، بڼوالۍ او مالدارۍ اړوند بېلابېل ښه کیفیت لرونکي توکي، پروسس شوي توکي، لاسي صنایع، د افغانستان غوره زعفران، طبي بوټي او نباتات، د اوبولګولو تجهیزات، مثمر او غیر مثمر نیالګي، کرنیز ماشینونه، د برېښنا تولیدوونکي لمریز دستګاوې، کرنیز فعالیتونه او ستاسو د خوښي کلتوري بوختیاوې نندارې ته وړاندي کیږي.
همداراز باید وویل شي، چې په دې نندارتون کې د همغږۍ، متقابلې همکارۍ، د اړیکو پیاوړتیا، د پانګونې تړونونو لاسلیکولو او اعلانونو ته په پراخه کچه زمینې برابریږي.
په همدې موخه ټولو هغو شرکتونو ته چې د کرنیزو توکو، اوبولګولو، بڼوالۍ او مالدارۍ په برخو کې کار کوي خبر ورکول کیږي، چې د نورو نندارتونونو په څېر د دوی باکیفیته توکو ته د بازار موندنې په موخه په څلورویشتم کرنیز نندارتون کې هم ننداریزې غرفې په پام کې نیول شوي دي. تاسو کولای شئ، چې د غرفو د تر لاسه کولو په پار سر له ننه د تلي تر
۲۰ مې نېتې پورې د ثبت او غرفو اخیستلو په پار د کرنې، اوبولګولو او مالدارۍ وزارت د خصوصي سکټور د پراختیا ریاست د کرنیزو نندارتونونو امریت ته مراجعه وکړئ او یا په لاندې شمېرې او برېښنالیک اړیکه ونیسئ:
۰۷۸۱۹۸۰۱۸۰ / ۰۲۰۲۹۲۲۴۴۰
af.gov.mail@agfair
یادونه: غوښتنې مو د
۱۳۹۸ یم کال د تلي له ۲۰ مې نېټې وروسته نه منل کیږي.
د یادونې وړ ده، کومې غرفې چې په چارت کې په مشرحه توګه تشریح شوي دي؛ د کرنیز نندارتون تر پایه د څلورو وروځو لپاره د شرکتونو، پروژو، کوپراتیفونو، ټولنو، د کرنې اولاسي صنایعو اتحادیو او د کرنې اوبولګولو او مالدارۍ وزارت اړونده ریاستونو په واک کې ورکول کیږي.

خبرتیاوې

پنجشنبه ۱۴۰۳/۱/۹ - ۱۳:۴۲
Background image

د ۱۴۰۳ یم کال د بزګر مېله او د کرنیزو محصولاتو پسرلني نندارتون کې د غرفې په نیولو سره خپل تولیدات خرڅ کړئ

ټاکل شوې، چې د کرنې، اوبولګولو او مالدارۍ وزارت د خصوصي سکټور د پراختیا ریاست له خوا د بزګر مېله او د کرنیزو محصولاتو دېرشم نندارتون د۱۴۰۳ یم کال د غویي میاشتې له۱۲ تر۱۵مې نېټې پورې، د . . .

دوشنبه ۱۴۰۲/۶/۱۳ - ۱۵:۴۵
Background image

دکرنیزو محصولاتو نهه ویشتم خزاني نندارتون کې غرفه واخلئ او خپل تولیدات خرڅ کړئ

ټاکل شوې، چې د کرنې، اوبولګولو او مالدارۍ وزارت د خصوصي سکټور د پراختیا ریاست له خوا د کرنیزو محصولاتو نهه ویشتم خزاني نندارتون د ۱۴۰۲ ام کال د تلي له ۲۶ تر ۲۹ مې نېټې،د سلګونو . . .

سه‌شنبه ۱۴۰۲/۱/۲۹ - ۹:۲۳
Background image

د مسلمینو زکات راټولولو په پار د ځانګړې بانکي شمېرې جوړولو په هکله خبرتیا

د نړۍ او په ځانګړې توګه د افغانستان درنو مسلمانو ورونو او خویندو!
څرنګه چې پوهېږئ، اسلامي امارت ته د خپل زکات په ورکړې سره امارت ته دا ځواک ورکوی، چې د یتیمانو، بېوزله کورنیو، کونډو او . . .

Back to announcements