د پنبې حاصلات نږدې ۲۱ سلنه زیاته شوې

content_admin
پنجشنبه ۱۳۹۸/۱۰/۱۲ - ۱۳:۲۴
 د پنبې حاصلات نږدې ۲۱ سلنه زیاته شوې

۱۲ مرغومي ۱۳۹۸
د هېواد ۱۷ ولایتونو څخه د کرنې وزارت راټول کړل شوي شمېري ښیي، چې د تېر کال په پرتله روان کال د پنبې (مالوچو) حاصلاتو نږدې ۲۱ سلنه زیاته شوې ده.
تېر کال دافغانستان د پنبې د تولید کچه ۵۷ زره او ۴۵۰ ټنه وه، په داسې حال کې چې روان کال ۷۳ زره او ۱۱۹ ټنو ته رسېدلې ده.
سږکال د هېواد د ۱۷ ولایتونو په ۴۹ زره او ۳۱۷ هکټاره ځمکه کې پنبه کرل شوې وه. په داسې حال کې چې په ۱۳۹۷ یم کال کې د پنبې کروندې ۳۹ زره او ۴۹۶ هکټاره وه.
د شمېرو له مخې د بلخ ولایت په روان کال کې د پنبې د ۱۹ زره او ۵۰۰ هکټاره کروندو په درلودو سره ۳۵ زره او ۱۰۰ ټنه تولید درلود او د پنبې د تولیدوونکو ولایتونو په منځ کې لومړی ځای خپل کړئ دی. له بلخ وروسته، هلمند د پنبې د ۱۵ زره او ۹۱۰ هکټاره کروندو او ۱۵ زره او ۹۱۰ ټنه تولید سره دویم، کندز د پنبې د درې زره او ۸۰۰ هکټاره کروندو او اووه زره او ۴۰۰ ټنه تولید سره درېیم، ننګرهار د درې زره او ۴۰ هکټاره کروندو او څلور زره او ۸۰۳ ټنه تولید سره څلورم او د بغلان ولایت د پنبې د یو زر او ۶۵۰ هکټاره کروندو څخه د درې زره او ۳۰۰ ټنو په تولید سره پنځم ځای لري.
په هېواد کې د پنبې د کچې په زیاتوالي کې، د پروخت ورښتونو او مناسبه اب او هوا ترڅنګ، د کرنې وزارت تخنیکي او ترویجي مرستې او سلا مشورې هم اغېزناک تمام شوي دي. په روان کال کې د کرنې وزارت د هرات، سرپل، کندز، بادغیس، فراه، بلخ، تخار، سمنګان، فاریاب، جوزجان، بغلان، کاپیسا، کندهار او هلمند ولایتونو کې د پنبې ۲۰۶ ننداریزې کروندې جوړې کړي دي، چې د حاصل د ودې، د کرکېلي د نویو لارو چارو د دودولو او د حاصلاتو د زیاتوالي لامل شوي دی.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت