د وزارت سکتورنه
مالـداری
په ۱۳۹۷ یم کال کې د وچکالۍ له امله د افغانستان مالدارۍ له لوی ګواښ سره مخ و، خو زیانمنو مالدارانو ته د کرنې وزارت ځانګړې پاملرنه ددې لامل شو، چې د مالدارۍ په برخه کې د یو لوی ناورین مخه ونیول شي.
د افغانستان د مالدارۍ د سکټور ارزښت څه باندې اووه میلیارډ ډالر دی، چې یاد سکټور د کرنې وزارت له خوا په بریالیتوب سره ژغورل شوې ده.
طبیعي سرچینې
ځنګلونه، اوبه، څړځایونه، خوندي شوي سیمې او د طبي نباتاتو کروندې (طبي بوټي) د افغانستان طبیعي شتمني دي. د کرنې، اوبولګولو او مالدارۍ وزارت د اغېزناکو او مثمرو برنامو په پلي کولو سره ددغو شتمنیو د خوندي کولو او پالنې ترڅنګ، طبیعي کروندې او څړځایونه بیارغوی، چې ددغو شتمنیو د بیارغونې کچه هرکال زرګونه هکټاره ځمکې ته رسیږي. په هېواد کې د پستې، جلغوزې او چهارمغزو (غوزانو) ډېر او مثمر ځنګلونه ایجادول، د طبي نباتاتو کروندې رغول، د کابل زرغون کمربند ایجادول او د هغه پراختیا، د طبیعي سرچینو په برخه کې بنسټيزې برنامې دي.