د بلخ مسلخ ډېرژر ګټې اخیستنې ته سپارل کیږي
۳مرغومې ۱۳۹۹
د کرنې، اوبولګولو او مالدارۍ وزیر ډاکټر انوارالحق احدي بلخ ولایت ته د خپل سفر په ترڅ کې د بلخ والي محمدفرهاد عظیمي او ددې ولایت له یوشمېر نورو سیمه ییزو چارواکو سره، د بلخ له معیاري مسلخ څخه لیدنه او نظارت وکړ.
د بلخ ولایت مسلخ، د آسیایي پراختیایي بانک په مرسته د شپږ میلیونه ډالرو په لګښت په ۲۵ جریبه ځمکه کې په معیاري ډول رغول شوی دی او ګټې اخیستنې ته چمتو ده.
یاد مسلخ په اته کاري ساعتونو کې، د ۱۰۰ غواوو او ۵۰۰ وریو د ذبحې او پروسس وړتیا لري.
د معیاري مسلخونو جوړول او فعالیت د دندې زمینه برابروي، د خصوصي سکټور د عوایدو د لوړوالي او د چاپېریال ساتنې لامل کیږي او د څارویو د غیرمعیاري ذبحې مخه نیسي.
