دکرنې وزارت یوازې د یوې پروژې له لارې پر کروندګرو مېرمنو د مېوو او سبو ۱۸۸ وچوونکي دستګاوې وېشلي دي

۲۶لړم ۱۳۹۹
د کرنې، اوبولګولو او مالدارۍ وزارت د کرنیزو محصولاتو مدیریت د طرحې له لارې او د بڼوالۍ ځنځیري ارزښت د پراختیا پروژې«HVCDSP»   په مدیریت، سږکال د هېواد په اوو ولایتونو کې پر کروندګرو مېرمنو د مېوو او سبو ۱۸۸ وچوونکي دستګاوې وېشلي دي.
دغه وچوونکي دستګاوې په ټولیزه توګه د ۲۸میلیونه او ۹۰۲ افغانیو په لګښت وېشل شوي، چې ۲۰ سلنه لګښت یې برخمن شوي بزګران او ۸۰سلنه لګښت یې دکرنې وزارت له خوا ورکړل شوي دي.
د مېوو او سبو یاد وچوونکي دستګاوې د لمر په انرژۍ کار کوي او هر یو یې په یوه وخت کې، له ۵۰ تر۷۰کیلو ګرامه د مېوو د وچولو وړتیا لري. ددغو د ستګاوو څخه په ګټې اخیستنې سره بزګران کولای شي، چې له خپل مصرف او پلور څخه اضافه مېوې او سابه وچ کړي او په مناسب وقت کې یې خرڅ کړي.
د مېوو او سبو دغه لمریز وچوونکي د ستګاوې د کابل، بامیان، غزني، پکتیا، پکتیکا، لوګر او میدان وردګو په ولایتونو کې پر ۱۸۸ کروندګرو مېرمنو وېشل شوي دي.