لوګر کې ۱۱۸ ممیزخونې جوړې شوې

۳ تله ۱۳۹۸
د کرنې، اوبولګولو او مالدارۍ وزارت د بڼوالۍ او مالدارۍ ملي پروژې له لارې په لوګر کې د ۱۱۸ ممیزخونو د جوړولو چارې بشپړ کړ. دغه ممیزخونې ددې ولایت په بره کي برک، څرخ، خوښی او محمدآغې ولسوالیو کې جوړې شوي دي.
ددغو ممیزخونو د جوړولو ۶۰ سلنه لګښت د کرنې وزارت او ۴۰ سلنه نور لګښت یې د برخمن شویو بڼوالو له خوا ورکړل شوي دي.
یاد ممیزخونې په دې ولایت کې د ممیزخونو د صنعت د ترویج، د بڼوالو د اقتصاد لوړولو او د انګورو باغونو د محصولاتو د ارزښت لوړولو په پار په معیاري او اسټنډرد ډول جوړې شوي دي. ددې ترڅنګ دغه ممیز خونې د معیاري او ښه کیفیت لرونکي ممیزو د تولید لامل کیږي او همداراز د انګورو د ضایعاتو مخه نیسي.

عصري ممیز خونې د بڼوالو په اقتصادي وده کې رغنده رول لوبوی، ځکه کوم ممیز چې په دغو ممیزخونو کې تولیدیږي له هغو ممیزو څخه چې، په دودیزه بڼه تولیدیږې څوچنده ښه کیفیت لري.