لوګر کې د «هوني سیدان» د اوبولګولو شبکه او سربند ګټې اخیستنې ته وسپارل شول
۸چنګاښ ۱۴۰۰
د لوګر ولایت مرکز اړوند د «هوني سیدان» کلی د اوبولګولو د شبکې او سربند د بیارغونې چارې بشپړ او ګټې اخیستنې ته وسپارل شول.
د اوبولګولو یاده شبکه او سربند د کرنې وزارت اړوند د خلکو په ګډون دکرنې او مالدارۍ پروژې «CLAP» له لارې د کرنې پراختیا نړیوال مرستندویه صندوق «IFAD» په مالي مرسته بیارغول شوي دي.
د هوني سیدان د اوبولګولو شبکه ۴۷۴ متره اوږدوالی لري او دوه زره او ۲۰۰ جریبه ځمکه د خړوبولو تر پوښښ لاندې راوستي دي.
د اوبولګولو د یادې شبکې او سربند جوړول د اوبو د ضایعاتو مخه نیولې او د بزګرانو د محصولاتو په زیاتوالي کې مرسته کوي.
