غور کې د مڼې ساتنې ۲۰ صفر انرژۍ سړې خونې ګټې اخیستنې ته وسپارل شول
۵ غویی ۱۴۰۰
د غور ولایت د کرنې، اوبولګولو او مالدارۍ ریاست وایي، چې په دې ولایت کې د مڼې ساتنې د ۲۰ صفر انرژۍ سړوخونو چارې بشپړ او ګټې اخیستنې ته وسپارل شول.
ددغو سړوخونو د جوړولو چارې د کرنې، اوبولګولو او مالدارۍ وزارت د کرنیزو محصولاتو مدیریت پروژې په اډانه کې تېرکال د ۵۲ میلیونه افغانیو په لګښت پیل شوي و.
د غور د کرنې رییس محمدبلال امیري وایي، چې ددغو سړوخونو جوړول د بڼوالۍ د محصولاتو په ساتنه او د بزګرانو اقتصادي ودې په برخه کې رغنده رول لري او ددغو سړوخونو پر مټ بزګران کولی شي، چې خپل محصولات خوندي او په مناسب وقت او مناسبه بیه یې بازارته وړاندې کړي.
