د کرنې او خوړو خوندیتوب بېړنۍ پروژه د راتلونکي کال د برنامو په هکله دکرنې وزیر ته راپور وړاندې کړه

mail-admin
دوشنبه ۱۳۹۹/۱۰/۱۵ - ۱۴:۵۰
د کرنې او خوړو خوندیتوب بېړنۍ پروژه د راتلونکي کال د برنامو په هکله دکرنې وزیر ته راپور وړاندې کړه

۱۵مرغومې ۱۳۹۹
د کرنې، اوبولګولو او مالدارۍ وزارت د کرنې او خوړو خوندیتوب بېړنۍ پروژې «EATS» چارواکو د یوې غونډې په ترڅ کې د ۱۳۹۹یم مالي کال په ترڅه کې د یادې پروژې د فعالیتونو او د ۱۴۰۰م کال د برنامو په هکله د کرنې، اوبولګولو او مالدارۍ وزیر ډاکټر انوارالحق احدي ته راپور وړاندې کړه.
د کرنې، اوبولګولو او مالدارۍ وزارت اړوند د کرنې اوخوړو خوندیتوب بېړنۍ پروژه «EATS» د نړیوال بانک او د افغانستان د بیارغونې صندوق « ARTF» په ملاتړ د ۲۰۲۰ام کال په اګسټ کې خپلې چارې پیل کړي او ټاکل شوې ده، چې د ۲۰۲۲ام کال تر اګسټ میاشتې پورې په ۳۴ ولایتونو کې فعالیت ولري.
په دې غونډه کې، د کرنې او خوړو خوندیتوب بېړنۍ پروژې رییس فهیم رحیم وویل، چې په ۱۳۹۹یم مالي کال کې د هېواد په کچه ددې پروژې له لارې پر بزګرانو د ۱۴زره مټریک ټنه اصلاح شویو غنمو تخمونو د وېش لړۍ پیل شوه. ښاغلی رحیم زیاته کړه، چې تر دې دمه ددغو تخمونو د وېش لړۍ نږدې ۸۰ سلنه بشپړ شوی دی.
فهیم رحیم دغه راز وویل، چې د کرنې او خوړو خوندیتوب بېړنۍ پروژه به د ۱۴۰۰ام مالي کال په ترڅ کې د ۵۵ میلیونه ډالره بودیجې سره به د هېواد په کچه د اوبولګولو، د آبرېزو مدیریت، د غنمو اصلاح شویو تخمونو وېش او د نویو بڼونو جوړولو په برخه کې فعالیت ولري. ښاغلی رحیم وویل، چې د هېواد په بېلابېلو سیمو کې د اوبولګولو د ۱۲۰ کانالونو په جوړولو او بیارغونې سره څه باندې ۳۰ زره هکټاره ځمکه خړوبیږي او دغه راز د ترچتر لاندې سیمو د بزګرانو کرنیز محصولات هم ۱۵ سلنه زیاتیږي او ترڅنګ یې د اوبو د ضایعاتو مخه هم نیول کیږي.
د کرنې او خوړو خوندیتوب بېړنۍ پروژې رییس وایي، یاده پروژه په پام کې لري، چې په ۱۴۰۰ام کال کې د هېواد په کچه پر ۳۲۰ زره بزګرانو د غنمو اصلاح شوي تخمونه ووېشي. د هغه په خبره، ددغو تخمونو په وېش سره د بزګرانو د غنمو حاصلات تر ۳۰ سلنه زیاتیږي.
په همدې حال کې د کرنې، اوبولګولو او مالدارۍ وزیر ډاکټر انوارالحق احدي   وویل، چې د چوپړتیاوو وړاندې کول باید انډولیز پراختیا ته په پام سره تر سره شي. هغه دغه راز ټینګار وکړچې د کانالونو په جوړولو او بیارغونې سره باید ډېرې کرنیزې ځمکې د خړوبولو ترپوښښ لاندې راوستل شي.
دکرنې وزیر دغه راز وویل، چې د کرنې او خوړو خوندیتوب بېړنۍ پروژه دې باید په ۱۴۰۰ام مالي کال کې د مېوو ډېرو بڼونو جوړولو په پار بودیجه ځانګړې کړي.

تازه ترین اخبار

پنجشنبه ۱۴۰۳/۱/۹ - ۱۳:۳۴
Background image

هلمند کې د پستې نیالګیو تولید په پارهڅې، د پستې زرګونه نیالګي تولیدېږي

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د هلمند ولایت د کرنې، اوبولګولو او مالدارۍ ریاست لخوا، د طبیعي سرچینو آمریت اړوند د مرکز لښکرګاه د بولان د نیالګیو روزنځای کې د پستې   پنځه. . .

پنجشنبه ۱۴۰۳/۱/۹ - ۱۳:۲
Background image

ننګرهار کې  ۷۲ زره څارویو ته د چنجیو ضد درمل  او واکسینونو د تطبیق چارې پیل شوې 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار د کرنې، اوبولګولو او مالدارۍ ریاست په هڅو دافغانستان لپاره د هالینډ کمیټې له لورې د ننګرهار ولایت په ۱۳ ولسوالیو کې څارویو ته د. . .

پنجشنبه ۱۴۰۳/۱/۹ - ۱۳:۱
Background image

ننګرهار کې پر زرګونو مالدارانو د څارویو خوراکي توکي وېشل کېږي 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار دکرنې، اوبولګولو او مالدارۍ رییس مولوی عبدالستار محمد د اکشن اېډ مؤسسې او هلال هډ،ا کرنیز شرکت چارواکو سره په کتنه کې د یادو. . .

بازگشت