بلخ کې د غوا روزنې فارمونه د ورځې ۳۰ زره لیټره شېدې تولیدوي

mail-admin
چهارشنبه ۱۳۹۹/۵/۲۹ - ۲۱:۱۴
فارم‌های گاوداری بلخ روزانه ۳۰ هزار لیتر شیر تولید می‌کنند
 
۲۹ زمری ۱۳۹۹
د بلخ د کرنې، اوبولګولو او مالدارۍ ریاست وایي، چې په دې ولایت کې د غوا روزنې نږدې ۳۵ فارمونه فعالیت لري، چې په ټولیزه توګه د ورځې ۳۵ زره لیټره شېدې تولیدوي.
د بلخ لبنیات، پاکیزه او سلطان تازه شرکتونه هره ورځ د بلخ له ۱۴ ولسوالیو شېدې راټولي او پروسسوي.
ددې ترڅنګ د غوښینو څارویو د پالنې په پار هم د غوا روزنې فارمونه فعالیت لري، چې د یوزر او ۷۰۰ خوسکیو په ساتنې سره د بلخ ولایت د اوسیدونکو د اړتیا وړ غوښه برابروي.
د بلخ ولایت د حیواني روغتیا لوی مدیر محمدرفیق صادقي وایي: «د بلخ د کرنې ریاست له خوا سږکال ۱۲۰ زره ډوزه واکسین پر څارویو پلی شوي دي او دغه راز په ۱۴ ولسوالیو کې یې د وټرنرۍ سیمه ییز کلینیکونه هم جوړ کړي دي.
ښاغلی صادقی زیاته کړه: «د کرنې وزارت له خوا د مالدارانو پر څارویو د بروسلوز، کانگوتبې، پي‌پي‌آر او اف‌ام‌ډي واکسینونه په وړیا توګه پلي کیږي، ددې ولایت څاروي د ټولو ناروغیو پر وړاندې واکسینیږي، هر کال د وړو څارویو نږدې دوه میلیونه ډوزه مصرفیږي او ۱۰۰ تر ۲۰۰ زره لوی څاروي واکسینیږي.»
د بلخ ولایت یو تن فارم لرونکی او د دهدادي ولسوالۍ د شیخ اباد کلي د غوا روزنې د فارم موسس محمدشاهد وایي: «اوس مهال ۱۰۰ تر ۱۵۰ شېدې ورکوونکي زراعتي غواوې لرو، چې د ورځې ۷۰۰ تر ۸۰۰ لیټره شېدې تولیدوو او د یو زر او ۲۰۰ تر یو زر او ۵۰۰ لیټره ریکارډ هم لرو، دغه شېدې د شرکتونو له خوا راټولیږي او مارکېت ته وړاندې کیږي.»
د غوا ساتنې د یوې فارم کارکوونکی ګلبدین وایي: «د ورځې دوه ځلې غواوې لوشو، شېدې پاک او منظم دي، د غواوو خواړه واښه او کنجاړې دي، موږ له خپلو هېوادوالو غواړو کوم کسان، چې سوداګر دي، پیسې لري زموږ په خپل هېواد کې موږ ته د کار زمینه برابره کړي، تر څو خدای مکړه دې ته اړ نه شو چې له هېواده بهر لاړ شو او بدبخت شو.»
دا په داسې حال کې ده، چې ددې ولایت د لبني محصولات ورځنۍ تولید ۹۵ زره ټنو ته رسیږي، چې ۳۰ زره ټنه یې د فارم لرونکو او نور یې په انفرادي ډول د خلکو له خوا پلورل کیږي.

 

تازه ترین اخبار

دوشنبه ۱۴۰۴/۵/۱۳ - ۱۷:۱۱
Background image

د ننګرهار وادي کرنیز شرکت: په هډې فارم ثمرخېلو قوریه کې د پالونیا قلمو روزنه بریالۍ پایله ورکړه


۱۳ زمری ۱۴۰۴ هـ.ش
۱۰ صَفَر المُظَفَّر ۱۴۴۷ هـ.ق
د ننګرهار وادي کرنیز شرکت د پالونیا ونو د ودې او پراخ ترویج په موخه یو مهم عملي او علمي ګام پورته کړی، چې د هډې فارم ثمرخېلو قوریه کې د. . .

دوشنبه ۱۴۰۴/۵/۱۳ - ۱۷:۱
Background image

ننګرهار ته د پاکستان هېواد څخه په غیر قانونې ډول د خوسکیو واردولو مخه ونیول شوه


۱۳ زمری ۱۴۰۴ هـ.ش
۱۰ صَفَر المُظَفَّر ۱۴۴۷ هـ.ق
د ننګرهار خوږیاڼو ولسوالی وزیرو تنګي کې یو تن د ۲۹ راسه یو کلنو خوسکیو سره ونیول شو چې د کرمې څخه یي په غیر قانوني لارو ننګرهار ته را. . .

دوشنبه ۱۴۰۴/۵/۱۳ - ۱۵:۲۹
Background image

دهلمند مارجې ولسوالی بزګرانو ته د نباتي ناروغیو مخنیوی په اړه عامه پوهاوی ورکړل شو

۱۳ زمری ۱۴۰۴ هـ.ش
۱۰ صَفَر المُظَفَّر ۱۴۴۷ هـ.ق
د هلمند ولایت د کرنې، اوبولګولو او مالدارۍ ریاست د کرنیزو چارو امریت اړوند د بوټو ساتنې او قرنطین عمومي مدیریت مسلکي کارکوونکو د مارجې. . .

بازگشت