کندز ته دکرنې وزارت د کرنیزو چارو د سلاکار سفر؛ د۱۳ پروژو چارې پیلېږي

۲۷ وری ۱۴۰۲ه‍.ش
٢۵ رَمَضانُ المُبارَک ۱۴۴۴ ه‍.ق
دکرنې، اوبولګولو او مالدارۍ وزارت د کرنیزو چارو سلاکار عتیق الله مسلم د یوې پلاوي په مشرۍ کندز ولایت ته د سفر په ترڅ کې ددې ولایت له والي، دکرنې رییس او د امام صاحب او ارچه ولسوالیو د پراختیایي شوراګانو له استازو او عزیزي بانک له چارواکو سره وکتل.
په دې سفر کې یاد پلاوی د امام صاحب او ارچې په ولسوالیو کې د «LKISP او کانالو» پروژو څخه لیدنه وکړه. په دې لیدنه کې ښاغلی مسلم د شوراګانو له استازو سره دیادو پروژو د چارو د بیا پیل پاپار خبرې وکړې. دغه راز د غزیزي بانک له چارواکو سره د پیسو د ورکړې پر سهولتونو خبرې وشوې، ترڅو د پروژو چارې په سمه توګه پرمخ ولاړ شي. 
پنج آمو پروژه د کرنې، اوبولګولو او مالدارۍ وزارت هغه پروژه ده، چې د اسیایي پراختیایي بانک له خوا تمویلېږي.
د چارواکو په خبره کندز کې د ۱۳ پروژو چارې نیمګړي پادي دي، چې د وزارت د مقام د پرېکړې په اساس د نوموړو پروژو د نظارت او ارزیابۍ څخه وروسته پاتې چارې به یې ډېر ژر پیل شي.