هرات کې د انګورو حاصلات ۱۵ سلنه زیاته شوې

mail-admin
چهارشنبه ۱۳۹۸/۵/۹ - ۱۵:۸
افزایش ۱۵ درصدی حاصلات انگور در هرات

۹ زمری ۱۳۹۸

د هرات ولایت د کرنې، اوبولګولو او مالدارۍ ریاست چارواکي وایي، چې ددې ولایت د انګورو بڼونو ارزونې او حاصلات ښیي، چې سږکال د دغه ولایت د انګورو حاصلات د تېر کال په پرتله ۱۵سلنه زیاته شوې ده.

دهرات ولایت د کرنیزو چارو امر بشیراحمد احمدي دغه زیاتوالی بې مخینه بولي او زیاتوی: «په هرات کې په ټولیزه توګه په اته زره هکټاره ځمکه کې د انګورو بڼونه جوړ شوي دي. د سږکال د ارزونو پر اساس به زموږ د تولید کچه څه باندې ۱۳۵ زره مټریک ټنه وی.»

د هرات بڼوال هم د خپلو انګورو بڼونو حاصلاتو ته خوښ دي او وایي، چې په دې ولایت کې د تېر کال په پرتله د انګورو حاصلات ډېر شوي او دوی یې لامل، «د انګور بڼونو په برخه کې د کرنې وزارت همکارۍ، د نباتي افت وژونکو پروخت وېش او ددې وزارت سالمې لارښوونې» بولي.

د هرات ولایت د انجیل ولسوالۍ یو تن بڼوال عبدالزبیر«پیرمرد» وایي: «زما د انګورو د بڼونو حاصلات د نورو کلونو په پرتله ډېر ښه دي، بڼونه مې پراخې شوي او د تاکونو افتونه کم شوي دي.»

دا په داسې حال کې ده، چې تېر کال د هرات ولایت د انګورو بڼونو د کرکېلي سیمه اووه زره او ۷۰۰ هکټاره او لاسته راغلي حاصلات یې ۱۲۰ زره ټنو ته رسېده. د هرات په ولایت کې د انګورو څه باندې ۴۸ ډوله (ورایټۍ) موجودې دي، چې مشهور هغه یې لعل، حیطه، فخري، شینگل‌خاني، میراحمدي او کشمشي دي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت