ننګرهار کې په ۵۱۰ بزګرانو د جوارو اصلاح شوي تخمونه او کیمیاوي سرې ووېشل شول

۱ زمری ۱۴۰۱ ه‍.ش
۲۴ ذوالحجَّة ۱۴۴۳ ه‍.ق
د ننګرهار د کرنې، اوبولګولو او مالدارۍ ریاست سره په همغږۍ د «AHF» په مالي لګښت او د افغانستان لپاره د کلیو د بیارغولو (RRAA) مؤسسي په تخنیکي همکارۍ د چپرهار په ولسوالۍ کې ۵۱۰ تنو بزګرانو ته د جوارو اصلاح شوي تخمونه،  کیمیاوی سري او کرنیز وسایل د یادي ولسوالۍ د ترویج مدیریت تر نظارت لاندې وویشل شول. 
یاده کرنیزه کڅوړه هغو بېوزله بزګرانو ته ورکړل شوه،  چې د اصلاح شوی تخمونو اخیستو توان یې نه درلودل.
په کرنیزه کڅوړه کې شپږ قلمه توکې د جوارو اصلاح شوی تخم،  بیلچه، پنجي کش، تسکوره، ، توره او سپینه کیمیاوي سره شامله وه.
همدارنګه بزګرانو ته د جوارو د کتاري کرنې، اوبخور،  هرزه بوټو کنترول، سرې استعمال، ناروغیو او افاتو د مخنیوي او حاصل ټولونې په موخه روزنه هم ورکړل شوه. 
باید وویل شي، چې په نږدې راتلونکې کې به یادو بزګرانو ته د څارویو لپاره دانه،  کنجاړه،  بوس او د چنجیو ضد درمل  هم ورکړل شي.