دکرنې وزارت له خوا د ځمکې دحاصل کچې زياتوالی او د اوبو مؤثره استفاده و ارزول شوه
۱۶ زمری ۱۴۰۰
د ځمکې دحاصل د کچې زياتوالی او د اوبو مؤثره استفادې د ارزولو په پار دکرنې وزارت د اوبولګولو او طبيعي سرچينو مرستيال، د کرنې او اوبولګولو کارپوهان، د اوبولکولو د نويو ټکنالوژيو د رياست سر پرست او د خوش تپې د پروژې مسوول، د اوبولګولو او طبيعي سرچينو معينيت سلاکاران او د همکارو ادارو، رياستونو او پروژو استازو په شتون کې غونډه په لاره واچول شوه.
په دې غونډه کې، تخنيکي ټيم له او بو څخه د موثرې استفادې، د ځمکې د حاصلاتو د کچې زياتوالی، د اوبولګولو نويو لارو چارو څخه ګټه پورته کول او د نويو کرنيزو لارو چارو په هکله مالومات وړاندې کړل او په دې هکله خپل وړانديزونه وړاندې کړل.
دکرنې وزارت د اوبولګولو او طبيعي سرچينو مرستيال
حشمتالله غفوري تخنيکي ټيم ته سپارښتنه وکړه، چې له سرچينې تر کروندې د اوبو مؤثرې استفادې او د ځمکې د حاصلاتو زياتوالي په پار دې يوه بشپړه طرحه چمتو کړي.
هغه زياته کړه، چې له ځمکو د حاصلاتو دزياتوالي څرنګوالي دې هم په دې طرحه کې شامل وي او د افقي پرمختيا ترڅنګ دې د کرنيزومحصولاتو عمودي پرمختيا هم شامل وي تر څو د اوبو له هر متر مکعب څخه غوره ګټه پورته شي او له هر متر مکعب ځمکې څخه ډېر حاصل تر لاسه شي.
په دې غونډه کې پريکړه وشوه، چې د تخنيکي ټيم غړي دې په اړوندو برخو کې هر اړخيزه مطالعه وکړې او د مطالعاتو پايلې دې راتلونکی غونډه کې وړاندې کړي.
