لغمان کې پر يوشمېر مېرمنو د کرنيزو محصولاتو د پروسس توکي ووېشل شول
![لغمان کې پر يوشمېر مېرمنو د کرنيزو محصولاتو د پروسس توکي ووېشل شول](https://www.mail.gov.af/sites/default/files/2021-06/whatsapp_image_2021-06-17_at_2.44.51_pm.jpeg)
۲۹ غبرګولی ۱۴۰۰
دلغمان د کرنې، اوبولګولو او مالدارۍ رياست د "RADP-E" موسسې په همکارۍ ددې ولايت مرکز مهترلام او قرغيو ولسوالۍ پر يوشمېر مېرمنو د کرنیزو محصولاتو د پروسس توکي وېشلي دي.
د لغمان د کرنې رييس محمدجميل خوشحال وايي، چې ددې مرستې په ترڅ کې هرې مېرمنې ته، یو ۳۰ کیلویي دیګ، یوه ۱۵ لیټره ګاز ډبه، ۳ دانې ۱۷۵ لیټره داوبو ډرمونه، ۳ دانۍ تشتونه، یو دانه ګازي نغری او ۳۰۰ مختلف نوعه پلاستيکي بوتلې ور کړل شوي، چې د کرنيزو محصولاتو د پروسس په موخه ترې ګټه پورته کېږي.
د ښاغلي خوشحال په خبره ددغو توکو د وېش موخه د بېوزله کورنيو د خوړوخونديتوب ترڅنګ بې وزله مېرمنو ته په کور دننه د کار زمينې برابرولو له لارې د دوی اقتصاد ته وده ورکول دي، ترڅو دوی په خپلو پښو ودرېږي او پرځان بسيا شي.