د افغانستان اسلامي جمهوریت د کرنې وزیر د ترکیې د پارلمان له رییس سره وکتل

content_admin
چهارشنبه ۱۳۹۹/۱۲/۲۰ - ۰:۵۴
د افغانستان اسلامي جمهوریت د کرنې وزیر د ترکیې د پارلمان له رییس سره وکتل

۲۰ کب ۱۳۹۹
د افغانستان اسلامي جمهوریت دکرنې، اوبولګولو او مالدارۍ وزیر ډاکټر انوارالحق احدي، ترکیې ته د خپل سفر په ترڅ کې د ترکیې جمهوري حکومت په پلازمېنه انقره کې، د ترکیې د ځنګلوالۍ او کرنې وزیر سره د مالدارۍ او کرنیزو همکاریو د هوکړه لیک تر لاسلیک وروسته، د ترکیې د پارلمان له رییس مصطفا شینتوب سره وکتل او د افغان-ترکیې د اړیکو پر پراختیا خبرې وکړې.
په دې لیدنه کې دواړو خواوو د افغان-ترکیې د اړیکو د پیاوړتیا پر بېلابېلو برخو ټینګار وکړل.
د ترکیې د پارلمان رییس له افغانستان سره د ترکیې د اړیکو پر نوي پړاو خبرې وکړې. د ترکیې د پارلمان رییس د افغانستان د کرنې له وزیر څخه ترکیې ته د راتګ په پار مننه وکړه او دکرنې وزیر ته یې وویل: «ستاسو په راتګ سره د کرنې او سوداګرۍ په برخه کې د افغانستان او ترکیې ترمنځ همکارۍ او اړیکې لاډېر ښه کېږي.»
وروسته د افغانستان اسلامي جمهوریت د کرنې، اوبولګولو او مالدارۍ وزیر ډاکټر انوارالحق احدي، په تېرو ۲۰ کالو کې افغانستان سره د ترکیې له همکاریو او مرستو مننه وکړه او زیاته یې کړه: «افغانستان او ترکیې لرغونې اړیکې لري او په وروستیو کلونو کې یادې اړیکې لا پیاوړي او پراخې شوي دي.»
په دې لیدنه کې د نورم او اسټنډرډ ملي ادارې رییس عزیز احمدزی، په انقرې که د افغانستان اسلامي جمهوریت د سفارت مرستیال او له افغانستان څخه دکرنې وزیر یوشمېر نور مل پلاوي او د اروپا د ګډ کمیسیون مشر اسماعیل امره قره یول، د افغانستان او ترکیې د دوستۍ د ډلې رییس ابراهیم آیدن او د ترکیې د کرنې او کلیو پراختیا کمیسیون مشر پروفیسور یونس قلیچ شتون درلود.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت