پنجشېر کې ۴۶ زره نیالګي وېش ته چمتو دي
![پنجشېر کې ۴۶ زره نیالګي وېش ته چمتو دي](https://www.mail.gov.af/sites/default/files/2021-02/152510875_4071391776218725_2155166995190831380_n.jpg)
۳ کب ۱۳۹۹
د پنجشېر ولایت د کرنې، اوبولګولو او مالدارۍ ریاست وایي، چې په دې ولایت کې ۴۶ زره مثمر نیالګي وېش ته چمتو شوي دي او پر غوښتونکو به ووېشل شي.
د پنجشېر دکرنې رییس محمدرووف یعقوبي وایي: «۲۳ ډوله مثمر نیالګي اماده شوي دي او د کب له ۱۵ وروسته د پنجشېر په بېلابېلو برخو کې به پر متقاضیانو ووېشل شي.»
د ښاغلي یعقوبي په خبره، په دغو نیالګیو کې د بادام، ګیلاس، مڼې، زردالو، الو، ناک، شفتالو او چهارمغزو نیالګي شامل دي، چې په ټېټه بیه له ۳۵تر ۵۰ افغانیو پر خلکو وېشل کېږي.