د کرنې په وزارت کې د سولې او پراختیا اډانې د سند په پار د پوهاوی غونډه وشوه

content_admin
پنجشنبه ۱۳۹۹/۱۱/۹ - ۱۳:۴۴
د کرنې په وزارت کې د سولې او پراختیا اډانې د سند په پار د پوهاوی غونډه وشوه

۹ سلواغه ۱۳۹۹
د کرنې په وزارت کې د سولې او پراختیا اډانې د دویم سند په موخه د نظر غوښتنې او عامه پوهاوی غونډه، ددې وزارت د رییسانو، کارپوهانو او د کرنې سکټور د یوشمېر کارکوونکو په شتون کې په لاره واچول شوه.
د نظرغوښتنې او عامه پوهاوی د یادې غونډې مشري د کرنې وزارت د پلان او پالیسیو لوی رییس شکیب شریفي کوله، ښاغلی شریفي وویل: «که پروګرام له ستر چتر څخه پیل کړو، له نړیوالې ټولنې سره، چې کومې ژمنې لرو، باید نړیوالو اسټراټیژیو ته ژمن پاتې شو. نننۍ غونډه څو برخې لري، یوه برخه یې زرغون کرنې پورې تړلې ده، چې پرې خبرې کوو، په دې سند کې پر درو موضوعاتو ټینګار شوی دی، چې عبارت دي له سولې جوړونه، نظام جوړونه او بیارغونه. له ۲۰۱۲ام تر ۲۰۲۵کال پورې په دې برخو کې څنګه کولای شو چې کار وکړو او له یادو مواردو سره د کرنې اړیکې څه دي؟ په یاد سند کې فعالیتونه هدفمند او متمرکز پیشبیني شوي دي او زموږ کړنې هم باید په همدغو مواردو کې تمرکز وکړي.»
ښاغلی شریفي زیاته کړه، چې راتلونکی اوونۍ ددې سند پر جزیاتو او داچې کومې چارې دکرنې وزارت اړوندې چارې دي پرې خبرې کېږي.
دغه راز د کرنې وزارت د پالیسیو رییس اسماعیل حسن زاده د یوې پریزنټیشن په وړاندې کولو سره وویل: «یاد سند د ځان بسیاینې، د جمهوریت خوندیتوب، اوربند، سوله راوستل، د خلکو سوکالي، د بېوزلۍ کچه ټیټول، کرونا سره مبارزه، د جګړې پای ته رسېدل، له بهرنیو اړتیاوو څخه خلاصون، د خلکو اقتصادي ودې او پراختیا په برخو کې اساسي خبرې لري او د حکومت نظر په کې وړاندې شوې ده، زموږ ونډه په کې اساسي ده. ځکه زموږ د ټولنې ډېری ستونزې کرنې سره اړیکه لري.»
د عامه پوهاوي په دې غونډه کې ګډونوالو هم خپل نظرونه وړاندې کړل.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت