دغنمو حاصلاتو زیاتوالي په پار هلې ځلې غزني کې پر لس زره او ۴۵۰ بزګرانو د غنمو اصلاح شوي تخمونه وېشل شوې

content_admin
پنجشنبه ۱۳۹۹/۱۰/۱۸ - ۱۷:۳۶
دغنمو حاصلاتو زیاتوالي په پار هلې ځلې غزني کې پر لس زره او ۴۵۰ بزګرانو د غنمو اصلاح شوي تخمونه وېشل شوې

۱۸مرغومې ۱۳۹۹
د کرنې، اوبولګولو او مالدارۍ وزارت هلې ځلې کوي، چې هېواد د غنمو د تولید له پلوه پرځان بسیا کړي. په همدې موخه په دې وروستیوکلونو کې دهېواد په کچه پر یوشمېر بزګرانو د غنمو اصلاح شوي تخمونه وېشل کیږي، ترڅو له یوې خوا د غنمو د حاصلاتو کچه لوړ شي او له بلې خوا د بزګرانو اقتصادي ودې ته زمینه برابره شي.
پر بزګرانو د اصلاح شویو تخمونو د هلو ځلو په دوام سږکال هم دهېواد په کچه پر ۲۸۰ زره بزګرانو دغنمو ۱۴ زره اصلاح شوي تخمونه وېشل کيږي. له دې ډلې د غزني ولایت پر لس زره او ۴۵۰ بزګرانو د غنمو ۵۲۲ ټنه اصلاح شوي تخمونه وېشل شوي.
د غزني ولایت د کرنې، اوبولګولو او مالدارۍ سرپرست رییس عبدالولي کوچي وایې، په غزني ولایت کې د غنمو د حاصلاتو د زیاتوالي او د بزګرانو د اقتصادي ودې په موخه سږکال د غزني ولایت په ټولو ولسوالیو کې پر لس زره او ۴۵۰ بزګرانو د غنمو ۵۲۲ ټنه اصلاح شوي تخمونه ووېشل شول. د کوچي په خبره ددې ولایت په ټولو ولسوالیو کې د غنمو اصلاح شوي تخمونه وېشل شوي او یوازې دمالستان په ولسوالۍ کې، چې ونډه یې ۲۹.۲ ټنه د سړه هوا له وجې نه دی وېشل شوي.
له دغو تخمونو برخمن شوي بزګران خوښ دي او د کرنې له وزارت څخه مننه کوي، چې د دوی د حاصلاتو زیاتوالي او ملاتړ په پار پردوی د غنمو اصلاح شوي تخمونه وېشي.د غزني ولایت د مرکز سفندي د کلي یوتن بزګرعبدالحلیم وایي، زه له ډېرو کلونو راهېسې د غنمو کرکېله کوم خو پدې وروستیو کلونوکې، چې کوم اصلاح شوې تخمونه د کرنې، اوبولګولو او مالدارۍ وزارت لخوا د بزګرانو په واک کې ورکول کیږي ښه پایله یې ورکړي دي. عبدالحلیم زیاته کړه، سږکال ماته د غزنې ولایت د کرنې ریاست له لورې ۵۰ کېلو اصلاح شوی تخم د ۹۰۰ افغانیو په بدل کې راکړ شو، زه ډېر خوښ یم چې بزګرانو ته په وخت اصلاح شوي تخمونه وېشل کیږي او ددې ترڅنګ د کرنې، اوبولګولو او مالدارۍ وزارت څخه غوښته کوم چې بزګرانو ته کیمیاوي سرې او د عصري کرکېلي توکي هم په واک کې ورکړي.
ويل کيږي چې د اصلاح شويو تخمونو وېش، د ترچتر لاندې سيمو دغنمو حاصلات له ۲۰تر۳۰سلنه زياتوي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت