جوزجان کې د ۳۲۲ کرنیزو پروژو چارې ډېرژر بشپړیږي

۱۰ لیندۍ ۱۳۹۹
د کرنې، اوبولګولو او مالدارۍ وزارت د کرنیزو محصولاتو مدیریت د پروژې له خوا، چې په جوزجان ولایت کې د ۳۲۲ کرنیزو پروژو چارې پیل شوي دي، ډېرژر بشپړ او ګټې اخیستنې ته به وسپارل شي.
دغه پروژې چې په کې ۱۵۰ ممزخونې، د پیازو ۱۴۰ زېرمتونونه، د کچالو ۲۰ زېرمتونونه او دوه صفر درجې سړې خونې جوړول شامل دي، د ۱۵۵ میلیونه او ۴۴۴زره افغانیو په لګښت د جوزجان ولایت په مرکز او ددې ولایت په لسو ولسوالیو کې پلي کیږي.
د یادو پروژو د یوشمېر هغو چارې بشپړې شوي او د پاتې هغو رغنیزې چارې به هم ډېرژر بشپړ او ګټې اخیستنې ته به وسپارل شي.