د کرنې وزارت ۶۴۰ کارکوونکي وروزل شول
۵ لیندۍ ۱۳۹۹
د کرنې، اوبولګولو او مالدارۍ وزارت د بشري سرچینو ریاست ددې وزارت ۶۴۰ کارکوونکي د پلان جوړونې، راپور لیکنې، د طرز سلوک مقررې، د ملکي خدماتو د کارکوونکو د ذاتي چارو مقرره، د دندې د لایحې پلي کول او د کړنو د ارزونې په برخه کې روزلي دي.
دغه روزنیزه برنامه د کرنې، اوبولګولو او مالدارۍ وزارت د بشري سرچینو ریاست د وړتیا لوړولو آمریت له خوا د پروان، کندهار، ننګرهار، تخار او بدخشان ولایتونو د کرنې ریاست کارکوونکو لپاره په لاره اچول شوې وه. یاده برنامه د ۳۴ ولایتونو د کرنې ریاستونو اړتیاوو ته په کتو مشخص او د کارکوونکو د وړتیا لوړولو په پار په لاره اچول شوې وه.
د یادونې وړ ده، چې د کرنې، اوبولګولو و مالدارۍ وزارت د بشري سرچینو ریاست د روان کال په ترڅ کې د وړتیا لوړنې په پار د کرنې وزارت یو شمېر مرکزي و ولایتي کارکوونکي کورني او بهرني فیلوشیب او اسکالرشیب بورسیو ته هم ور پېژندلي دي.
