دکرنې وزارت نوماند او سرپرست په افغانستان کې دملګرو ملتونو دپراختيايي ادارې له رييس سره په خبرو کې؛ د "UNDP" تر ملاتړ لاندې پروژو پر ريفورم ټينګار

۲۸ لړم ۱۳۹۹
دکرنې، اوبولګولو او مالدارۍ وزارت نوماند او سرپرست وزير ډاکټر انوارالحق احدي دخپل کار په دفترکې په افغانستان کې دملګرو ملتونو دپراختيايي ادارې "UNDP" له رييس عبدالله الدر دري سره خبرې وکړې.
په دې ليدنه کې دواړو خواوو دکرنې په وزارت کې پر هغو پروژو خبرې وکړې، چې دملګرو ملتونو د پراختيايي ادارې له خوا مالي او تخنيکي ملاتړ کيږي.
دغه راز په دې غونډه کې دهغو پروژو پر ريفورم چې دملګرو ملتونو دپراختيايي ادارې له خوا ملاتړ کيږي هم خبرې وشوې.
بايد وويل شي، چې دکرنې دودې او کليوالي پراختيا پروژه  "CBARD"او داقليمي بدلونونو له امله د رامنځته شويو زيانونودکچې ټيټولو پروژه "CDRRP" دکرنې وزارت له هغو پروژو څخه دي، چې دملګرو ملتونو دپراختيايي ادارې په مالي او تخنيکي ملاتړ پلي کيږي.