نیمروز ولایت کې د خرما ۲۵جرېبه سوداګریزبڼ جوړیږی

۱۱لړم ۱۳۹۹
نیمروز ولایت د کرنې، اوبولګولو او مالدارۍ ریاست چارواکي وایې، د نیمروز ولایت د چهاربرجک ولسوالی کې پنځه تنه په شرایطو برابرو بڼوالو ته، په ۲۵جرېبه ځمکه د خرما د سوداګریزبڼ جوړولو وسایل و ویشل شول. په یادو وسایلو کې پنځه زره کېلوګرامه کود، بیل، ګلنګ، سطل، میخ او ګول سیخ، کراچۍ، د ښاخونو دپریکولو بیاتي، اره، لوحه، زینه، لمریزسولر، د اوبوپمپ، درمل شیندلو اله او د خرما ونې شاملې دي، چې د دوه میلیونه او ۳۶ زره افغانیو په ارزښت چمتوشوې دي. د نیمروز ولایت د کرنې ریاست چارواکي وایې، یاد ولایت د خرما د کښت لپاره مناسب اقلیم اوبه لري. او بڼوال هم د خرما دبڼوڼو د جوړولو لپاره علاقه لري. دنیمروز ولایت د کرنې ریاست پلان لري چې په راتلونکې څلورو کلونو کې ۳۰۰ هکتاره ځمکه باندي د خرما سوداګریز بڼوڼه جوړ کړي.