پروان کې د نویو کرنیزو پروژو چارې ۴۰ سلنه بشپړ شوي دي

content_admin
چهارشنبه ۱۳۹۹/۶/۵ - ۱۴:۴۵
کار پروژه‌های مدیریت محصولات زراعتی در پروان ۴۰ درصد پیش رفته است
 
۵ وږی ۱۳۹۹
د پروان په ولایت نږدې یوه میاشت مخکې دکرنې وزارت د کرنیزو محصولاتو مدیریت د برنامې په اډاه کې د ۴۳۳ نویو کرنیزو پروژو چارې پیل شوې، چې تر دې دمه یې رغنیزې چارې نږدې ۴۰ سلنه بشپړ شوي دي.
د پروان دکرنې رییس عبدالوهاب خیرزاد په دې هلکه وایي: «د کرنیزو محصولاتو مدیریت د پروژې په اډانه کې د پروان ولایت په ټولو ولسوالیو کې ۴۳۳ کرنیزې پروژې پلي کیږي. په دغو پروژو کې د پیازو او کچالو زېرمتونونه، ممیزخونې او د مېوو لپاره سړې خونې جوړول او دغه راز د مېوو او سبو وچوونکي لمریز دستګاوې وېشل شامل دي، چې چارې یې له ۳۵ تر ۴۵ سلنه بشپړ شوي دي.»
ددې ولایت تر کار لاندې پروژو کې ۱۵۲ ممیزخونې، د پیازو ۲۰۴ او د کچالو ۳۵ زېرمتونونه او د مېوو ۱۲ سړې خونې جوړول او دغه راز د مېوو او سبو ۳۰ لمریز وچوونکي دستګاوې وېشل شامل دي.
په همدې حال کې هغه بڼوال او بزګران، چې له یادو نویو پروژو څخه برخمن کیږي. د خپلو عوایدو زیاتوالي او محصولاتو د خوڅاکېدو د مخنیوي په پار خوښ دي او وایي، چې سږکال به د دوی محصولات په مناسب وقت او مناسبه بیه خرڅ شي.
د پروان ولایت د مرکز اړوند د لغماني د سیمې اوسدونکی محمدحنیف، چې دکرنې وزارت له خوا ورته ممیزخونه جوړیږي واي: «یو من انګور مو په ۱۰۰ افغانۍ خرڅول، اوس چې موږ ته ممیزخونه جوړیږي، کولای شوچې په مناسبه بیه یې خرڅ کړو، یو من ممیز په ۱۰۰۰ افغانۍ خرڅوو. مخکې مو له ۳۰۰ تاکونو څخه ۴۰ زره افغانۍ پیسې ګټل، اوس چې ممیزخونه راته جوړیږي، د خرڅلاو کچه به مو ۱۰۰ زره افغانیو ته ورسیږي.»
په ورته وخت کې د پروان ولایت د «توپ درې» د نواباد د کلي ملک حاجي نصرالله وایي، خلک دې ته ژمن دي، چې نوي کرنیزې پروژې په سمه توګه پلي کړي. هغه وویل: «دولت سره زموږ ژمنه داده، چې پروژې په سمه توګه پلي کړو، دغه پروژې د بڼوالو او بزګرانو د ژوند په بدلون کې ستر رول لري، ځکه چې بڼوال او بزګران بېوزلي دي، یادې پروژې کولای شي، چې له اقتصادي اړخه د دون ژوند بدل کړي.

تازه ترین اخبار

چهارشنبه ۱۴۰۴/۵/۱۵ - ۱۵:۵۹
Background image

د کرنې وزارت د اراضۍ رياست لخوا امارتي شرکتونو عمومي رياست ته په بېلابېلو ولایتونو کې ځمکه ولېږدول شوه

۱۵ زمری ۱۴۰۴ هـ.ش
۱۲ صَفَر المُظَفَّر ۱۴۴۷ هـ.ق
د کرنې، اوبولګولو او مالدارۍ وزارت د اراضۍ ریاست کې جوړه شوې غونډه کې، چې د اراضۍ لوی ریاست د ځمکو د انتقال او وېش رییس مولوي سید محمد. . .

چهارشنبه ۱۴۰۴/۵/۱۵ - ۱۵:۵۲
Background image

د کندهار منګالي فارم کې د ۳۰ میلیونه افغانیو په لګښت معیاري تفریحي پارک جوړېږي

۱۵ زمری ۱۴۰۴ هـ.ش
۱۲ صَفَر المُظَفَّر ۱۴۴۷ هـ.ق
د کندهار ولایت په لوړ شاولیکوټ ولسوالی کې د منګالي فارم پر پراخې دولتي ځمکې د ۳۰ میلیونه افغانیو په مالي لګښت د یو معیاري تفریحي پارک د. . .

چهارشنبه ۱۴۰۴/۵/۱۵ - ۱۴:۲۹
Background image

هلال ګروپ د ننګرهار څېړنیز مرکز د پیاوړتیا او پر سبو د څېړنو ترسره کولو کې مرسته کوي

۱۵ زمری ۱۴۰۴ هـ.ش
۱۲ صَفَر المُظَفَّر ۱۴۴۷ هـ.ق
هلال ګروپ د کرنې، اوبو لګولو او مالدارۍ وزارت سره د هوکړه لیک په اساس د ننګرهار څېړنیز مرکز د پیاوړتیا او سبو اصلاح شوي تخمونو تولید په. . .

بازگشت